ಸಾಗರದ ತೀರ್ಥಕ್ಷೇತ್ರ ಸಿಗಂದೂರು ಚೌಡೇಶ್ವರಿ ದೇವಾಲಯಕ್ಕೆ ತೆರಳುವ ಲಾಂಚ್‌ ಅನ್ನು ಪುನರಾರಂಭ ಮಾಡಲಾಗಿದೆ. ನೀರಿನ ಕೊರತೆ ಹಿನ್ನೆಲೆಯಲ್ಲಿ ೨೦ ದಿವಸಗಳ ಕೆಳಗೆ ಲಾಂಚ್‌ ಸಂಚಾರ ಸ್ಥಗಿತಗೊಳಿಸಲಾಗಿತ್ತು. ಲಾಂಚ್‌ ಸಂಚಾರ ಸ್ಥಗಿತಗೊಂಡಿದ್ದರಿಂದ ಪ್ರವಾಸಿಗರ ವಾಹನಗಳು ದೇವಾಲಯದ ವೆರೆಗೆ ತೆರಳದೆ ಪ್ರವಾಸಿಗರು ಬೇಸರಿಸುವಂತಾಗಿತ್ತು. ಈ ವಾರದ ನಿರಂತರ ಮಳೆಯ ಕಾರಣದಿಂದ ಶರಾವತಿ ಹಿನ್ನೀರಿನ ಏರಿಕೆಯಾಗಿ ಲಾಂಚ್‌ ಸಂಚಾರಕ್ಕೆ ಅನುಕೂಲವಾಗಿದೆ. ಮಳೆ, ಚಳಿ ಲೆಕ್ಕಿಸದೆ ಸಿಗಂದೂರಿಗೆ ಬರುವ ರಾಜ್ಯದ ಪ್ರವಾಸಿಗರಿಗೆ ಈ ಬೆಳವಣಿಗೆಯಿಂದ ನಿರಾಳವಾದಂತಾಗಿದೆ.