ನೌಕರರು ಗಮನಿಸಲೇಬೇಕಾದ ಮಾಹಿತಿ ಇದು… ( only for employees)

*In..come Tax Act 1961 ಸೆಕ್ಷನ್ 80CCD ಅಡಿಯಲ್ಲಿ ಉದ್ಯೋಗದಾತರ NPS ಕೊಡುಗೆಯ ಕಡಿತದ ಕುರಿತು..*

*(Clarification of deductions available for NPS contribution of Employer U/Sec 80DDC)*

*ನರೇಂದ್ರ ಹಿರೇಕೈ*

*ಲಾ ಛೇಂಬರ್ ಶಿರಸಿ*

*+91 9008365740*

ಕೇಂದ್ರ ಮತ್ತು ರಾಜ್ಯ ಸರಕಾರದ ನೌಕರರು ತಮ್ಮ ವಾರ್ಷಿಯ ಆದಾಯ ತೆರಿಗೆಯನ್ನು ಲೆಕ್ಕ ಹಾಕುವಾಗ ಆದಾಯ ತೆರಿಗೆ ಕಾಯಿದೆ, 1961 ರ ಸೆಕ್ಷನ್ 80CCD ಅಡಿಯಲ್ಲಿ, ರಾಷ್ಟ್ರೀಯ ಪಿಂಚಣಿ ಯೋಜನೆ (NPS) ಗೆ ಉದ್ಯೋಗದಾತರ (Employer’s Contribution) ಕೊಡುಗೆಯನ್ನು ಕ್ಲೈಮ್ ಮಾಡಲು ಅವಕಾಶವಿದೆ. ಆದರೆ ತಪ್ಪು ಗ್ರಹಿಕೆಗಳಿಂದ ಕೆಲವು ತೆರಿಗೆದಾರರು ಕಲಂ 80CCD ಅಡಿಯಲ್ಲಿ ತೆರಿಗೆ ವಂಚನೆಯನ್ನು ಮಾಡುತ್ತಿರುವುದು ಆದಾಯ ತೆರಿಗೆ ಇಲಾಖೆಯ ಗಮನವನ್ನು ಸೆಳೆಯುತ್ತಿದೆ. ಕಳೆದ ಹಣಕಾಸು ವರ್ಷದಲ್ಲಿ ರಾಜ್ಯ ಮತ್ತು ಕೇಂದ್ರ ಸರಕಾರದ ಹಲವಾರು ನೌಕರರು ಆದಾಯ ತೆರಿಗೆ ಇಲಾಖೆಯಿಂದ ಸ್ಪಷ್ಟನೆಯನ್ನು ಕೇಳಿ ನೋಟಿಸನ್ನು ಪಡೆದು ಪರದಾಡುತ್ತಿರುವುದು ಕಂಡುಬಂದಿರುತ್ತದೆ. ತೆರಿಗೆಯನ್ನು ವಂಚಿಸುವ ಉದ್ದೇಶದಿಂದ ಅಥವಾ ರಿಫಂಡ್ ಆಸೆಯಿಂದ ಅಥವಾ ಆದಾಯ ತೆರಿಗೆ ನಿಯಮಗಳ ತಪ್ಪು ಗ್ರಹಿಕೆಗಳಿಂದ ಹಲವಾರು ತೆರಿಗೆದಾರರು ಆದಾಯ ತೆರಿಗೆ ಇಲಾಖೆಯ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ. ಈ ಹಿನ್ನೆಲೆಯಲ್ಲಿ ಸೆಕ್ಷನ್ 80CCD ನಿಯಮಗಳ ಬಗ್ಗೆ ಒಂದಿಷ್ಟು ವಿವರಗಳನ್ನು ನೋಡೋಣ.

*1. ಹಳೆಯ ಮತ್ತು ಹೊಸ ತೆರಿಗೆ ವಿಧಾನಗಳು (Old Régime and New Regime of Tax)*

2024-25ನೇ ಆರ್ಥಿಕ ವರ್ಷದಿಂದ, ಹೊಸ ತೆರಿಗೆ ವಿಧಾನವು ಡಿಫಾಲ್ಟ್ ಆಗಿದೆ (ಸೆಕ್ಷನ್ 115BAC). ತೆರಿಗೆದಾರರು ತಮ್ಮ ಆದಾಯ ತೆರಿಗೆ ರಿಟರ್ನ್ (ITR) ಸಲ್ಲಿಸುವಾಗ ಯಾವುದೇ ಒಂದು ವಿಧಾನವನ್ನು ಆಯ್ಕೆ ಮಾಡಬಹುದಾಗಿದೆ ಆದರೆ ತೆರಿಗೆದಾರರು ಗಮನಿಸಬೇಕಾದ ಅಂಶವೇನೆಂದರೆ ಹಳೆಯ ತೆರಿಗೆ ವಿಧಾನದಲ್ಲಿ ಸೆಕ್ಷನ್ 80CCD ಜೊತೆಗೆ 50 ಸಾವಿರವರೆಗೆ Standard Deduction, ವೃತ್ತಿ ತೆರಿಗೆ, ಮನೆಸಾಲದ ಬಡ್ಡಿ, 80C, 80D, 80G, 80E ಇತ್ಯಾದಿ ಸೆಕ್ಷನ್ ಅಡಿಯಲ್ಲಿಯೂ ನಿಗದಿತ ವಿನಾಯಿತಿಯನ್ನು ಪಡೆದುಕೊಳ್ಳಬಹುದಾಗಿದೆ. ಆದರೆ ಹೊಸ ತೆರಿಗೆ ವಿಧಾನದಲ್ಲಿ 75 ಸಾವಿರವರೆಗೆ Standard Deduction, ಸೆಕ್ಷನ್ 80CCD ಉದ್ಯೋಗದಾತರ NPS ಕೊಡುಗೆಯ ಮತ್ತು ಕೆಲವು ಸೀಮಿತ ವಿನಾಯಿತಿಗಳ ಹೊರತಾಗಿ ಬೇರೆ ಯಾವುದೇ ವಿನಾಯಿತಿಗೂ ಅವಕಾಶ ಇರುವುದಿಲ್ಲ. ಸಂಕ್ಷಿಪ್ತವಾಗಿ ಹೇಳಬೇಕೆಂದರೆ;

• ಹೊಸ ತೆರಿಗೆ ವಿಧಾನ: ಕಡಿಮೆ ತೆರಿಗೆ ದರಗಳು, ಆದರೆ ಕಡಿಮೆ ವಿನಾಯಿತಿಗಳು ಮತ್ತು ಕಡಿತಗಳು.

• ಹಳೆಯ ತೆರಿಗೆ ವಿಧಾನ: ಹೆಚ್ಚಿನ ತೆರಿಗೆ ದರಗಳು, ಆದರೆ ಸೆಕ್ಷನ್ 80C, 80D ಇತ್ಯಾದಿಯಡಿ ವಿವಿಧ ಕಡಿತಗಳು ಮತ್ತು ವಿನಾಯಿತಿಗಳು ಲಭ್ಯ.

*2.* *ಸಂಬಳ ಎಂದರೇನು ಮತ್ತು ಸಂಬಳದಲ್ಲಿ ಏನೆಲ್ಲ ಒಳಗೊಂಡಿರುತ್ತದೆ. (Definition of Salary and its Inclusions)*

ಆದಾಯ ತೆರಿಗೆ ಕಾಯಿದೆ, 1961 ರ ಸೆಕ್ಷನ್ 17 ರ ಅಡಿಯಲ್ಲಿ, “ಸಂಬಳ” ಶೀರ್ಷಿಕೆಯಡಿ ತೆರಿಗೆಗೆ ಒಳಪಡುವ ಆದಾಯವನ್ನು ವ್ಯಾಖ್ಯಾನಿಸಲಾಗಿದೆ. ಸಂಬಳವು ವಿವಿಧ ಘಟಕಗಳನ್ನು ಒಳಗೊಂಡಿದ್ದು, ಇದನ್ನು ಮೂರು ಪ್ರಮುಖ ಭಾಗಗಳಾಗಿ ವಿವರಿಸಲಾಗಿದೆ: ಸಂಬಳ (Salary), Perquisites, ಮತ್ತು Profits in lieu of salary.

ಹಣಕಾಸು ವರ್ಷ 2024-25 ಕ್ಕೆ ಅನ್ವಯಿಸುವಂತೆ ಸೆಕ್ಷನ್ 17 ರ ಅಡಿಯಲ್ಲಿ ಸಂಬಳದ ವ್ಯಾಖ್ಯಾನವನ್ನು ಈ ಕೆಳಗಿನಂತೆ ವಿವರಿಸಲಾಗಿದೆ:

ಸಂಬಳ (ಸೆಕ್ಷನ್ 17(1))

“ಸಂಬಳ” ಎಂಬುದು ಉದ್ಯೋಗದಿಂದ ಪಡೆಯಲಾದ ಎಲ್ಲಾ ಪಾವತಿಗಳನ್ನು ಒಳಗೊಂಡಿದೆ, ಇದರಲ್ಲಿ ಈ ಕೆಳಗಿನವು ಸೇರಿರುತ್ತವೆ:

• ಮೂಲ ವೇತನ (Basic Salary): ಉದ್ಯೋಗಿಗೆ ನಿಗದಿತವಾಗಿ ಪಾವತಿಸಲಾದ ಮೂಲ ಆದಾಯ.

• ತುಟ್ಟಿ ಭತ್ಯೆ (Dearness Allowance – DA): ಜೀವನ ವೆಚ್ಚದ ಹೊಂದಾಣಿಕೆಗಾಗಿ ನೀಡಲಾದ ಭತ್ಯೆ.

• ಭತ್ಯೆಗಳು (Allowances):

o ಗೃಹ ಬಾಡಿಗೆ ಭತ್ಯೆ (House Rent Allowance – HRA)

o ಪ್ರಯಾಣ ರಿಯಾಯಿತಿ ಭತ್ಯೆ (Leave Travel Allowance – LTA)

o ವಿಶೇಷ ಭತ್ಯೆಗಳು (ಉದಾ: ಊಟದ ಭತ್ಯೆ, ಸಾರಿಗೆ ಭತ್ಯೆ, ಇತ್ಯಾದಿ)

• ಬೋನಸ್ (Bonus): ಕಾರ್ಯಕ್ಷಮತೆಗೆ ಸಂಬಂಧಿಸಿದ ಏಕಮೊತ್ತದ ಪಾವತಿ.

• ಕಮಿಷನ್ (Commission): ಗುರಿಗಳನ್ನು ತಲುಪಿದಾಗ ನೀಡಲಾದ ಪ್ರೋತ್ಸಾಹಕ ಆದಾಯ.

• ಶುಲ್ಕಗಳು (Fees): ಉದ್ಯೋಗಕ್ಕೆ ಸಂಬಂಧಿಸಿದ ಹೆಚ್ಚುವರಿ ಸೇವೆಗಳಿಗೆ ಪಾವತಿಸಲಾದ ಮೊತ್ತ.

• ಗ್ರಾಚ್ಯುಟಿ (Gratuity): ಸೇವಾವಧಿಯ ನಂತರ ಪಾವತಿಸಲಾದ ಏಕಮೊತ್ತ (ವಿನಾಯಿತಿಗೆ ಒಳಪಟ್ಟಿರುತ್ತದೆ).

• ಪಿಂಚಣಿ (Pension): ನಿವೃತ್ತಿಯ ನಂತರ ಪಾವತಿಸಲಾದ ಆದಾಯ (ಕೆಲವು ಷರತ್ತುಗಳೊಂದಿಗೆ).

• ಮುಂಗಡ ವೇತನ (Advance Salary): ಸಂಬಳವನ್ನು ಮುಂಗಡವಾಗಿ ಪಾವತಿಸಿದ ಮೊತ್ತ.

• ಬಿಡುಗಡೆ ವೇತನ (Leave Encashment): ಬಳಸದ ರಜೆಗೆ ಪಾವತಿಸಲಾದ ಮೊತ್ತ (ಸೇವೆಯಲ್ಲಿರುವಾಗ ತೆರಿಗೆಗೆ ಒಳಪಡುತ್ತದೆ).

• ಉದ್ಯೋಗದಾತರ ಕೊಡುಗೆಗಳು:

o ಭವಿಷ್ಯ ನಿಧಿಗೆ (Provident Fund) ಕೊಡುಗೆ (ಕೆಲವು ಮಿತಿಗಳಿಗೆ ಒಳಪಟ್ಟಿರುತ್ತದೆ).

o ರಾಷ್ಟ್ರೀಯ ಪಿಂಚಣಿ ಯೋಜನೆಗೆ (NPS) ಕೊಡುಗೆ (ಸೆಕ್ಷನ್ 17(1)(viii) ಪ್ರಕಾರ ಸಂಬಳದ ಭಾಗ).

ಕೆಲವು ಭತ್ಯೆಗಳು (ಉದಾ: HRA, LTA) ಮತ್ತು ಗ್ರಾಚ್ಯುಟಿಯಂತಹ ಪಾವತಿಗಳು ಸೆಕ್ಷನ್ 10 ರ ಅಡಿಯಲ್ಲಿ ವಿನಾಯಿತಿಗೆ ಅರ್ಹವಾಗಿರಬಹುದು, ಆದರೆ ಇವುಗಳನ್ನು ಮೊದಲು ಸಂಬಳದ ಭಾಗವಾಗಿ ಲೆಕ್ಕಾಚಾರ ಮಾಡಬೇಕು.

*Perquisites (ಸೆಕ್ಷನ್ 17(2))* Perquisites ಉದ್ಯೋಗದಾತರಿಂದ ಉದ್ಯೋಗಿಗೆ ನೀಡಲಾದ ಆರ್ಥಿಕವಲ್ಲದ ಲಾಭಗಳಾಗಿವೆ, ಇವುಗಳನ್ನೂ ಸಹ ಸಂಬಳದ ಆದಾಯದ ಭಾಗವಾಗಿ ಪರಿಗಣಿಸಲಾಗುತ್ತದೆ. ಉದಾಹರಣೆಗೆ:

• ಉದ್ಯೋಗಿಗೆ ಒದಗಿಸಿದ ವಸತಿ: ಉಚಿತ ಅಥವಾ ರಿಯಾಯಿತಿಯ ದರದಲ್ಲಿ ನೀಡಲಾದ ಮನೆ.

• ವಾಹನಸೌಲಭ್ಯ: ಕಂಪನಿಯಿಂದ ಒದಗಿಸಿದ ವಾಹನದ ವೈಯಕ್ತಿಕ ಬಳಕೆ.

• ಆರೋಗ್ಯ ವಿಮೆ: ಉದ್ಯೋಗದಾತರಿಂದ ಒದಗಿಸಿದ ವೈದ್ಯಕೀಯ ವಿಮೆಯ ಮೌಲ್ಯ.

• ಷೇರುಗಳು (ESOP): ಕಂಪನಿಯ ಷೇರುಗಳನ್ನು ರಿಯಾಯಿತಿಯ ದರದಲ್ಲಿ ಒದಗಿಸಿದಾಗ.

• ಉಚಿತ ಊಟ: ಕೆಲವು ಸಂದರ್ಭಗಳಲ್ಲಿ ಒದಗಿಸಿದ ಊಟದ ಸೌಲಭ್ಯಗಳು.

• ಕಡಿಮೆ ಬಡ್ಡಿಯ ಸಾಲ: ಉದ್ಯೋಗದಾತರಿಂದ ಒದಗಿಸಿದ ರಿಯಾಯಿತಿ ಸಾಲದ ಬಡ್ಡಿ ಲಾಭ.

ಕೆಲವು Perquisites (ಉದಾ: ಉಚಿತ ಶಿಕ್ಷಣ, ಚಿಕ್ಕಪುಟ್ಟ ಉಡುಗೊರೆಗಳು) ವಿನಾಯಿತಿಗೆ ಒಳಪಟ್ಟಿರುತ್ತವೆ., ಆದರೆ ಇವುಗಳನ್ನು ಸೆಕ್ಷನ್ 17(2) ರ ಅಡಿಯಲ್ಲಿ ಸಂಬಳದ ಭಾಗವಾಗಿ ಪರಿಗಣಿಸಬೇಕಾಗುತ್ತದೆ.

*Profits in lieu of Salary (ಸೆಕ್ಷನ್ 17(3))* *ಇವು ಉದ್ಯೋಗಕ್ಕೆ ಸಂಬಂಧಿಸಿದಂತೆ ಪಡೆದ ಏಕಮೊತ್ತದ ಪಾವತಿಗಳಾಗಿವೆ, ಇವು ಸಂಬಳದ ಭಾಗವಾಗಿರುತ್ತವೆ. ಉದಾಹರಣೆಗೆ:*

• ವಜಾಗೊಳಿಸುವಿಕೆಗೆ ಪರಿಹಾರ (Compensation on Termination): ಉದ್ಯೋಗದ ಅಂತ್ಯದ ಸಂದರ್ಭದಲ್ಲಿ ಪಾವತಿಸಲಾದ ಮೊತ್ತ.

• ಗೋಲ್ಡನ್ ಹ್ಯಾಂಡ್ಶೇಕ್: ಸ್ವಯಂಪ್ರೇರಿತ ನಿವೃತ್ತಿಗೆ (VRS) ಪಾವತಿಸಲಾದ ಮೊತ್ತ.

• ಬಾಕಿ ಪಾವತಿಗಳು: ಉದ್ಯೋಗದಾತರಿಂದ ಬಾಕಿ ಇದ್ದ ಯಾವುದೇ ಪಾವತಿಗಳು, ಉದಾಹರಣೆಗೆ, ಬಾಕಿ ಬೋನಸ್ ಅಥವಾ ಕಮಿಷನ್.

• ಗ್ರಾಚ್ಯುಟಿ/ಪಿಂಚಣಿಯ ಏಕಮೊತ್ತ: ವಿನಾಯಿತಿಯ ಮಿತಿಯನ್ನು ಮೀರಿದ ಭಾಗ.

ಆದ್ದರಿಂದ, ಸೆಕ್ಷನ್ 17 ರ ಅಡಿಯಲ್ಲಿ ವಿವರಿಸಿದಂತೆ ಸಂಬಳವು ಈ ಮೇಲೆ ಹೇಳಿದ ಎಲ್ಲ ಆದಾಯವನ್ನೂ ಒಳಗೊಂಡಿರುವುದನ್ನು ನಾವು ಗಮನಿಸಬೇಕು. ತೆರಿಗೆ ಲೆಕ್ಕಾಚಾರದಲ್ಲಿ ಈ ವಿವರಗಳನ್ನು ಸರಿಯಾಗಿ ವರದಿ ಮಾಡುವುದು ಮತ್ತು ಅರ್ಹ ವಿನಾಯಿತಿಗಳನ್ನು ಕ್ಲೈಮ್ ಮಾಡುವುದು ಕಾನೂನಿನ ದೃಷ್ಟಿಯಲ್ಲಿ ಸರಿ ಎನಿಸಿಕೊಳ್ಳುತ್ತದೆ. ತಪ್ಪಾದ ವರದಿಗಳು ತೆರಿಗೆ ಇಲಾಖೆಯಿಂದ ದಂಡ, ಬಡ್ಡಿ, ಅಥವಾ ಕಾನೂನು ಕ್ರಮಕ್ಕೆ ಕಾರಣವಾಗಬಹುದು ಎನ್ನುವುದನ್ನು ನಾವು ನೆನಪಿಟ್ಟುಕೊಳ್ಳಬೇಕು.

*3. ಉದ್ಯೋಗದಾತರ NPS ಕೊಡುಗೆ ಮತ್ತು ನಿಯಮಾವಳಿಗಳು*

ಆದಾಯ ತೆರಿಗೆ ಕಾಯಿದೆಯ ಸೆಕ್ಷನ್ 17(1)(viii) ರ ಪ್ರಕಾರ, ಉದ್ಯೋಗದಾತರ NPS ಕೊಡುಗೆಯನ್ನು ಉದ್ಯೋಗಿಯ ಸಂಬಳದ ಆದಾಯದ ಭಾಗವಾಗಿ ಪರಿಗಣಿಸಲಾಗುತ್ತದೆ ಮತ್ತು ಸೆಕ್ಷನ್ 80CCD(2) ರ ಅಡಿಯಲ್ಲಿ, ಈ ಕೊಡುಗೆಯನ್ನು ಕ್ಲೈಮ್ ಮಾಡಲು ಅವಕಾಶವಿದೆ, ಆದರೆ ಕೆಲವು ಷರತ್ತುಗಳೊಂದಿಗೆ:

• ಕೇಂದ್ರ ಸರ್ಕಾರಿ ಉದ್ಯೋಗಿಗಳಿಗೆ: ಉದ್ಯೋಗದಾತರ ಕೊಡುಗೆಯು ಮೂಲ ವೇತನ ಮತ್ತು ತುಟ್ಟಿ ಭತ್ತೆಯ (DA) ಯ 14% ರವರೆಗೆ ಕಡಿತಕ್ಕೆ ಅರ್ಹವಾಗಿರುತ್ತದೆ (2024-25ನೇ ಆರ್ಥಿಕ ವರ್ಷದಿಂದ).

• ಇತರ ಉದ್ಯೋಗಿಗಳಿಗೆ: ಮೂಲ ವೇತನ ಮತ್ತು DA ಯ 10% ರವರೆಗೆ ಕಡಿತಕ್ಕೆ ಅರ್ಹ.

• ಈ ಕಡಿತವು ಹೊಸ ತೆರಿಗೆ ವಿಧಾನ (ಸೆಕ್ಷನ್ 115BAC) ಮತ್ತು ಹಳೆಯ ತೆರಿಗೆ ವಿಧಾನ ಎರಡರಲ್ಲೂ ಲಭ್ಯವಿದೆ.

ಇಲ್ಲಿ ಮುಖ್ಯವಾಗಿ ಗಮನಿಸಬೇಕಾದ ಸಂಗತಿಯೆಂದರೆ ಉದ್ಯೋಗದಾತರ NPS ಕೊಡುಗೆಯನ್ನು ಮೊದಲು ಸಂಬಳದ ಭಾಗವಾಗಿ ಪರಿಗಣಿಸಬೇಕು (ಸೆಕ್ಷನ್ 17(1)(viii) ಪ್ರಕಾರ) ಮತ್ತು ಸೆಕ್ಷನ್ 80CCD(2) ರ ಅಡಿಯಲ್ಲಿ ಈ ಕೊಡುಗೆಗೆ ಕಡಿತವನ್ನು ಕ್ಲೈಮ್ ಮಾಡಬಹುದು, ಆದರೆ ಇದು ಮೇಲೆ ಹೇಳಿದ ಗರಿಷ್ಠ ಮಿತಿಗಳಿಗೆ ಒಳಪಟ್ಟಿರುತ್ತದೆ.

ಕೆಲವು ಉದ್ಯೋಗಿಗಳು ಉದ್ಯೋಗದಾತರ NPS ಕೊಡುಗೆಯನ್ನು ಸಂಬಳದ ಆದಾಯದಲ್ಲಿ ಸೇರಿಸದೆ, ನೇರವಾಗಿ ಸೆಕ್ಷನ್ 80CCD(2) ರ ಅಡಿಯಲ್ಲಿ ಕಡಿತವನ್ನು ಕ್ಲೈಮ್ ಮಾಡುತ್ತಿದ್ದಾರೆ. ಇದು ಕಾನೂನಿನ ದೃಷ್ಟಿಯಲ್ಲಿ ತಪ್ಪು ಮತ್ತು ತೆರಿಗೆ ವಂಚನೆಯ ಪ್ರಕರಣವಾಗಿರುತ್ತದೆ. ಇದರಿಂದ ಆಗುವ ಪರಿಣಾಮಗಳೆಂದರೆ:

• ಆದಾಯದ ಕಡಿಮೆ ವರದಿ (Under-reporting of Income): ಉದ್ಯೋಗದಾತರ NPS ಕೊಡುಗೆಯನ್ನು ಸಂಬಳದ ಆದಾಯದಲ್ಲಿ ಸೇರಿಸದಿದ್ದರೆ, ಒಟ್ಟು ತೆರಿಗೆಗೆ ಒಳಪಡುವ ಆದಾಯವನ್ನು ಕಡಿಮೆ ತೋರಿಸಲಾಗುತ್ತದೆ, ಇದು ಆದಾಯ ತೆರಿಗೆ ಇಲಾಖೆಯ ಗಮನಕ್ಕೆ ಬರಬಹುದು.

• ತಪ್ಪಾದ ಕ್ಲೈಮ್: ಸಂಬಳದ ಆದಾಯದ ಭಾಗವಲ್ಲದ ಕೊಡುಗೆಗೆ ಕಡಿತವನ್ನು ಕ್ಲೈಮ್ ಮಾಡುವುದು ಸೆಕ್ಷನ್ 80CCD(2) ರ ನಿಯಮಗಳನ್ನು ಉಲ್ಲಂಘಿಸುತ್ತದೆ.

ಉದಾಹರಣೆ:

• ಒಬ್ಬ ಉದ್ಯೋಗಿಯ ಮೂಲ ವೇತನ + DA: ₹10 ಲಕ್ಷ

• ಉದ್ಯೋಗದಾತರ NPS ಕೊಡುಗೆ: ₹1 ಲಕ್ಷ (10% ರವರೆಗೆ ಅರ್ಹ)

• ಸರಿಯಾದ ವಿಧಾನ:

o ಸಂಬಳದ ಆದಾಯ (ಸೆಕ್ಷನ್ 17): ₹10 ಲಕ್ಷ + ₹1 ಲಕ್ಷ = ₹11 ಲಕ್ಷ

o ಸೆಕ್ಷನ್ 80CCD(2) ಕಡಿತ: ₹1 ಲಕ್ಷ

o ತೆರಿಗೆಗೆ ಒಳಪಡುವ ಆದಾಯ: ₹11 ಲಕ್ಷ – ₹1 ಲಕ್ಷ = ₹10 ಲಕ್ಷ

• ತಪ್ಪಾದ ವಿಧಾನ:

o ಸಂಬಳದ ಆದಾಯ: ₹10 ಲಕ್ಷ (NPS ಕೊಡುಗೆ ಸೇರಿಸದೆ)

o ಸೆಕ್ಷನ್ 80CCD(2) ಕಡಿತ: ₹1 ಲಕ್ಷ

o ತೆರಿಗೆಗೆ ಒಳಪಡುವ ಆದಾಯ: ₹10 ಲಕ್ಷ – ₹1 ಲಕ್ಷ = ₹9 ಲಕ್ಷ

ಇದು ₹1 ಲಕ್ಷದಷ್ಟು ಆದಾಯವನ್ನು ಕಡಿಮೆ ತೋರಿಸುತ್ತದೆ, ಇದು ಕಾನೂನುಬಾಹಿರ.

*4. ತಪ್ಪಾದ ಕ್ಲೈಮ್ನಿಂದ ಆಗುವ ಪರಿಣಾಮಗಳು*

ತಪ್ಪಾದ ಕಡಿತ ಕ್ಲೈಮ್ ಮಾಡುವುದು ಆದಾಯ ತೆರಿಗೆ ಇಲಾಖೆಯ ಕಠಿಣ ಕ್ರಮಗಳಿಗೆ ಒಳಗಾಗಬಹುದು. ಈ ಪರಿಣಾಮಗಳು ಈ ಕೆಳಗಿನಂತಿವೆ:

• ತೆರಿಗೆ ಮರುಮೌಲ್ಯಮಾಪನ (Re-assessment): ಆದಾಯ ತೆರಿಗೆ ಇಲಾಖೆಯು ITR ಅನ್ನು ಸೂಕ್ಷ್ಮವಾಗಿ ಪರಿಶೀಲಿಸಿದಾಗ, ತಪ್ಪಾದ ಕ್ಲೈಮ್ ಕಂಡುಬಂದರೆ, ಸೆಕ್ಷನ್ 147 ರ ಅಡಿಯಲ್ಲಿ ಮರುಮೌಲ್ಯಮಾಪನಕ್ಕೆ ಒಳಪಡಿಸಬಹುದು.

• ತೆರಿಗೆ, ಬಡ್ಡಿ ಮತ್ತು ದಂಡ:

o ಕಡಿಮೆ ಪಾವತಿಸಿದ ತೆರಿಗೆಯನ್ನು ವಸೂಲಿ ಮಾಡಲಾಗುವುದು.

o ಸೆಕ್ಷನ್ 234A, 234B, ಮತ್ತು 234C ರ ಅಡಿಯಲ್ಲಿ ಬಡ್ಡಿಯನ್ನು (ತಿಂಗಳಿಗೆ 1%) ವಿಧಿಸಲಾಗುವುದು.

o ಸೆಕ್ಷನ್ 271(1)(c) ರ ಅಡಿಯಲ್ಲಿ, ಆದಾಯವನ್ನು ಮರೆಮಾಚಿದ್ದಕ್ಕಾಗಿ ಕಡಿಮೆ ಪಾವತಿಸಿದ ತೆರಿಗೆಯ 100% ರಿಂದ 300% ರವರೆಗೆ ದಂಡವನ್ನು ವಿಧಿಸಬಹುದು.

• ಕಾನೂನು ಕ್ರಮ: ಉದ್ದೇಶಪೂರ್ವಕವಾಗಿ ತೆರಿಗೆ ವಂಚನೆ ಮಾಡಿದ್ದರೆ, ಸೆಕ್ಷನ್ 276C ರ ಅಡಿಯಲ್ಲಿ ಕ್ರಿಮಿನಲ್ ಕೇಸ್ ದಾಖಲಾಗಬಹುದು, ಇದು 7 ವರ್ಷಗಳವರೆಗೆ ಜೈಲು ಶಿಕ್ಷೆಗೆ ಕಾರಣವಾಗಬಹುದು.

• ಪ್ರತಿಷ್ಠೆಗೆ ಧಕ್ಕೆ: ತೆರಿಗೆ ವಂಚನೆಯ ಆರೋಪವು ವೈಯಕ್ತಿಕ ಮತ್ತು ವೃತ್ತಿಪರ ಜೀವನದ ಮೇಲೆ ಗಂಭೀರ ಪರಿಣಾಮ ಬೀರಬಹುದು.

*5. ಸರಿಯಾದ ವಿಧಾನ ಮತ್ತು ಸಲಹೆ.*

ತೆರಿಗೆ ಉಳಿತಾಯದ ಉದ್ದೇಶದಿಂದ ಕಾನೂನಿನ ಚೌಕಟ್ಟಿನೊಳಗೆ ಉಳಿಯುವುದು ಅತ್ಯಂತ ಮುಖ್ಯ. ಉದ್ಯೋಗಿಗಳು ಈ ಕೆಳಗಿನ ಕ್ರಮಗಳನ್ನು ತೆಗೆದುಕೊಳ್ಳಬೇಕು:

• ಸಂಬಳದ ಆದಾಯದಲ್ಲಿ NPS ಕೊಡುಗೆ ಸೇರಿಸಿ: ಫಾರ್ಮ್ 16 ರಲ್ಲಿ ಉದ್ಯೋಗದಾತರ (Employer) NPS ಕೊಡುಗೆಯನ್ನು ಸಂಬಳದ ಭಾಗವಾಗಿ ತೋರಿಸಬೇಕಾಗುತ್ತದೆ. ಒಂದೊಮ್ಮೆ ತೋರಿಸದೇ ಇದ್ದಲ್ಲಿ ಇದು ಉದ್ಯೋಗದಾತರ (Employer) ತಪ್ಪಾದ ವರದಿಯೆಂದು ಪರಿಗಣಿಸಲಾಗುತ್ತದೆ.

• 80CCD(2) ಕಡಿತವನ್ನು ಸರಿಯಾಗಿ ಕ್ಲೈಮ್ ಮಾಡಿ: ಉದ್ಯೋಗದಾತರ ಕೊಡುಗೆಯನ್ನು 10% ಅಥವಾ 14% ರ ಮಿತಿಯೊಳಗೆ ಕ್ಲೈಮ್ ಮಾಡಿ.

• ತೆರಿಗೆ ಸಲಹೆಗಾರರನ್ನು ಸಂಪರ್ಕಿಸಿ: ತೆರಗೆ ನಿಯಮಾವಳಿಗಳ ಸಂಕೀರ್ಣತೆಯ ಸರಳ ವಿವರಗಳಿಗಾಗಿ ತೆರಿಗೆ ಸಲಹೆಗಾರರ ಸಹಾಯವನ್ನು ಪಡೆಯಿರಿ.

• ತೆರಿಗೆ ಕಾನೂನಿನ ಬಗ್ಗೆ ಜಾಗೃತರಾಗಿರಿ: ಆದಾಯ ತೆರಿಗೆ ಇಲಾಖೆಯ ವೆಬ್ಸೈಟ್ (www.incometax.gov.in) ಅಥವಾ ವಿಶ್ವಾಸಾರ್ಹ ಮೂಲಗಳಿಂದ ಮಾಹಿತಿಯನ್ನು ಪಡೆಯಿರಿ.

*ನನ್ನ ಅನಿಸಿಕೆ:*

ಉದ್ಯೋಗದಾತರ NPS ಕೊಡುಗೆಯನ್ನು ಸಂಬಳದ ಆದಾಯದಲ್ಲಿ ಸೇರಿಸದೆ ಸೆಕ್ಷನ್ 80CCD(2) ರ ಅಡಿಯಲ್ಲಿ ಕಡಿತವನ್ನು ಕ್ಲೈಮ್ ಮಾಡುವುದು ಕಾನೂನಿನ ಉಲ್ಲಂಘನೆಯಾಗಿದೆ ಮತ್ತು ಇದು ಗಂಭೀರ ಆರ್ಥಿಕ ಮತ್ತು ಕಾನೂನು ಪರಿಣಾಮಗಳಿಗೆ ಕಾರಣವಾಗಬಹುದು. ತೆರಿಗೆ ಉಳಿತಾಯವು ತೆರಿಗೆದಾರರ ಹಿತದೃಷ್ಟಿಯಿಂದ ಜಾರಿಯಾದ ಯೋಜನೆಯಾಗಿದ್ದರೂ, ಅದನ್ನು ಕಾನೂನಿನ ಚೌಕಟ್ಟಿನೊಳಗೆ ಮಾಡಬೇಕು. ತಪ್ಪಾದ ಕ್ಲೈಮ್ಗಳಿಂದ ತೆರಿಗೆ ವಂಚನೆಯ ಆರೋಪಕ್ಕೆ ಒಳಗಾಗುವ ಬದಲು, ಸರಿಯಾದ ತೆರಿಗೆ ಯೋಜನೆಯ ಮೂಲಕ ಸರ್ಕಾರಕ್ಕೆ ಸರಿಯಾದ ತೆರಿಗೆಯನ್ನು ಭರಣ ಮಾಡುವುದು ಜವಾಬ್ದಾರಿಯುತ ಪ್ರತಿಯೊಬ್ಬರ ಕರ್ತವ್ಯವೆಂದು ಮನಗಾಣಬೇಕು.

*Disclaimer*

*• ತೆರಿಗೆದಾರರ ಜಾಗೃತಿಗೆ ಮತ್ತು ಮಾಹಿತಿಗಾಗಿ ಪ್ರಕಟಿಸಲಾಗಿದೆ*

*• ಇದು ಭಾರತೀಯ ಆದಾಯ ತೆರಿಗೆ ಕಾಯ್ದೆ 1961 ರ ಸಾರಾಂಶವಾಗಿರುತ್ತದೆ*