

ಮಳೆಯ ತೀವೃತೆ ತುಸು ಕಡಿಮೆಯಾಗುತ್ತಿರುವ ಸಂದರ್ಭದಲ್ಲೇ ಸಿದ್ಧಾಪುರ ತಾಲೂಕಿನ ಬಳ್ಳಟ್ಟೆಯ ಕಿರಿಯ ಪ್ರಾಥಮಿಕ ಶಾಲೆ ಉರುಳಿ ಬಿದ್ದಿದೆ. ಕಾನಗೋಡು ಗ್ರಾಮ ಪಂಚಾಯತ್ ನ ಬಳ್ಳಟ್ಟೆ, ಐಗೋಡು ಉರ್ದುಶಾಲೆ ಮತ್ತು ಕಾನಗೋಡು ಹಿರಿಯ ಪ್ರಾಥಮಿಕ ಶಾಲೆಗಳಲ್ಲೆಲ್ಲಾ ಕಟ್ಟಡದ ಸಮಸ್ಯೆ ಇತ್ತು ಈ ಬಗ್ಗೆ ಸ್ಥಳಿಯ ಅಧಿಕಾರಿಗಳ ಗಮನಕ್ಕೆ ತಂದರೂ ಅವರು ಸ್ಫಂದಿಸಿರಲಿಲ್ಲ. ಶಾಲಾ ರಜಾ ಅವಧಿಯಲ್ಲಿ ಈ ಘಟನೆ ಸಂಭವಿಸಿರುವುದರಿಂದ ಜೀವಹಾನಿಯಾಗಿಲ್ಲ. ಈ ತೊಂದರೆಯ ಹೊಣೆಯನ್ನು ಸ್ಥಳಿಯ ಅಧಿಕಾರಿಗಳೇ ಹೊರಬೇಕು ಎಂದು ಗ್ರಾ.ಪಂ. ಸದಸ್ಯ ಶಿವಾನಂದ ಎಚ್. ಕೆ.ಪ್ರತಿಕ್ರೀಯಿಸಿದ್ದಾರೆ.
ಕಳೆದ 3-4 ದಿವಸಗಳ ನಿರಂತರ ಮಳೆ, ಮಹಾಪೂರದಲ್ಲಿ ಸಿದ್ಧಾಪುರ ತಾಲೂಕಿನ ಬಾಳೂರು ಮತ್ತು ಕುಮಟಾ ರಸ್ತೆಯ ಮಾಸ್ತಿಮನೆ ತೂಗುಸೇತುವೆಗಳು ಕೊಚ್ಚಿಹೋಗಿವೆ.


