(ಕಳೆದು ಹೋದವರು)
ಆಗಾಗ ಕಾಡುವ ಆಮುಖ
ಅಜ್ಜನದೋ, ಮತ್ತಜ್ಜನದೋ?
ಯಾರದಿರಬಹುದು?
ನಾ ನೋಡೇ ಇಲ್ಲ ಅಬರಿಬ್ಬರನ್ನೂ
ಮರೆತರೂ ಮತ್ತೆ ಮತ್ತೆ ನೆನಪಾಗುವ
ಮುಖವಾಡದಂಥ ಮುಖ
ದೆವ್ವ-ಭೂತಗಳದ್ದಿರಬಹುದೆ?
ಧರ್ಮದ ಅಮಲಿನಲ್ಲಿ ಚಾಕು,
ಚೂರಿ-ಬಂದೂಕು ಎತ್ತಿದವರ ಮುಖ ಹೀಗಿರಲಿಲ್ಲವಲ್ಲ
ಮತ್ತೆ ಮತ್ತೆ ಕಾಣುವ ಮುಖ,
ಮುಖವಾಡ
ಮತ್ತೆಂದೂ ಸೇರೆನೆಂದು ಸಂಬಂಧದ ಬಂಧ
ಹರಿದು ಹೋದವಳದೆ?
ಮೊದಲ ನೋಟಕ್ಕೇ ಆಕರ್ಷಿಸಿ ಮತ್ತೆಂದೂ
ಕಾಣದೆ ಇನ್ನೊಬ್ಬನನ್ನು ಓಡಿಸಿಕೊಂಡು
ಹೋದವಳದೆ?
ಮೆರವಣಿಗೆ ಬಿಂಬದಲ್ಲೂ ಅವಳ
ರೂಪದ್ದೇ ಛಾಯೆ,
ಕೈಕೊಟ್ಟ ಕರೆಂಟು
ಕದಲಿಸಿದ ಮುಖ ಅವಳದ್ದೇ ಇರಬಹುದೆ?
ಈ ರಾತ್ರಿ ಕಂಡ ಮುಖ ಯಾರದ್ದೋ
ನಮ್ಮದೇ ಇರಬಹುದು,
ಪರಕೀಯರು ದೆವ್ವ-ಭೂತಗಳಾಗಿ ಕಾಡುವುದಿಲ್ಲವಂತೆ
ನಮ್ಮವೇ ಕಳ್ಳು-ಬಳ್ಳಿಗಳಂತೆ
ನಿತ್ಯ,ಅನವರತ.
ಕೋಲಶಿರ್ಸಿ ಕನ್ನೇಶ್, ಸಿದ್ಧಾಪುರ,
(ಉ.ಕ.) 9740598884
_______________________________________________________________
ಮಾನ್ಯರೆ, ನಮ್ಮ ಮಾಧ್ಯಮ ಕ್ಷೇತ್ರದ ಸಮಾಜಮುಖಿ ನಡೆ ಈಗ ಕಾಲು ಶತಮಾನ ದಾಟಿದೆ. ಈ ಪಯಣದಲ್ಲಿ samajamukhi.net ನ್ಯೂಸ್ ಪೋರ್ಟಲ್ samaajamukhi & samajamukhinews ಯೂಟ್ಯೂಬ್ ಚಾನೆಲ್ ಗಳು ಹಾಗೂ ಸಮಾಜಮುಖಿ & samaajamukhi.net ಫೇಸ್ಬುಕ್ ಪೇಜ್ ಗಳು ಸೇರಿವೆ. ಈ ಎಲ್ಲಾ ಘಟಕಗಳ ನಿರ್ವಹಣೆ & ನಿರಂತರತೆಗೆ ನಿಮ್ಮ ಸಹಕಾರ ಮುಖ್ಯ. ನಮ್ಮ ಸುದ್ದಿ, ವಿಡಿಯೋ, ಸ್ಟೋರಿ ಗಳನ್ನು like, share ಹಾಗೂ subscribe ಮಾಡಿ ಸಹಕರಿಸುತ್ತಾ ನಮ್ಮ ಈ ಮಾಧ್ಯಮ ಸಮೂಹದ ಸಿದ್ಧಾಪುರ ಕೆನರಾ ಬ್ಯಾಂಕ್ ಖಾತೆ samajamukhi 03082200081658 ಅಕೌಂಟ್‌ಗೆ ಮತ್ತು ನಮ್ಮ gpay & phone pay Acc No 9740598884 ಗೆ ಆರ್ಥಿಕ ನೆರವು ನೀಡುತ್ತಾ ನಮ್ಮ ಜೊತೆಯಾಗಲು ಕಳಕಳಿಯ ವಿನಂತಿ…….. ಇಂತಿ ನಿಮ್ಮ Kannesh Kolsirsi
_______________________________________________________________
