ಭೀಕರ ಅಪಘಾತ ಇಬ್ಬರು ಯುವಕರ ದುರ್ಮರಣ, ಎಲೆಮಾನವರ ಬಂಧನ

ಸಿದ್ಧಾಪುರ ತಾಲೂಕಿನ ಗಡಿಭಾಗದ ಜೋಗ ಬಳಿ ನಡೆದ ದ್ವಿಚಕ್ರವಾಹನ, ರಾಜ್ಯ ಸಾರಿಗೆ ಸಂಸ್ಥೆ ಬಸ್ ನಡುವಿನ ಅಪಘಾತದಲ್ಲಿ ಇಬ್ಬರು ಯುವಕರು ಸ್ಥಳದಲ್ಲೇ ಮೃತರಾದ ಘಟನೆ ನಡೆದಿದೆ. ಮೃತ ಯುವಕರು ಸಿದ್ಧಾಪುರ ತಾಲೂಕಿನ ಹೆಜನಿಯವರು ಎಂದು ಗುರುತಿಸಲಾಗಿದೆ.
ಇಬ್ಬರು ಬೈಕ್ ಸವಾರರು ವೇಗವಾಗಿ ಬರುತಿದ್ದ ರಾಜ್ಯ ರಸ್ತೆ ಸಾರಿಗೆ ಬಸ್ ಬಡಿದ ಪರಿಣಾಮ ಇಬ್ಬರೂ ಸ್ಥಳದಲ್ಲೇ ಅಸು ನೀಗಿದ್ದಾರೆ. ಈ ಘಟನೆ ಮಂಗಳವಾರ ರಾತ್ರಿ 8 ಗಂಟೆಯ ಸುಮಾರಿಗೆ ನಡೆದಿದೆ.
ಬಂಧನ-
ತಾಲೂಕಿನ ಗಡಿ ಸಾಗರ ತಾಲೂಕಿನ ಗಡಿಪ್ರದೇಶಗಳಲ್ಲಿ ಇಸ್ಫೀಟ್ ಆಡಿಸುತಿದ್ದ 4-5 ಜನರನ್ನು ಸಿದ್ದಾಪುರ ಪೊಲೀಸರು ಬಂಧಿಸಿದ್ದಾರೆ. ಬಂಧಿತರು ಸಿದ್ಧಾಪುರ ಮತ್ತು ಸಾಗರ ತಾಲೂಕಿನವರಾಗಿದ್ದಾರೆ.

ನಾಯ್ಕ ಜಾತಿ ಹೀಗಳೆದ ಸಾರಿಗೆ ಸಂಸ್ಥೆ ನೌಕರ ಸಹೋದ್ಯೋಗಿಗಳಿಂದ ಪೊಲೀಸ್ ದೂರು
ಸಿದ್ಧಾಪುರ,ಡಿ.10- ಉತ್ತರ ಕನ್ನಡ ಜಿಲ್ಲೆಯ ಬಹುಸಂಖ್ಯಾತ ದೀವರು ಮತ್ತು ನಾಮಧಾರಿಗಳ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ನಾಯ್ಕ ನನ್ಮಗ ಎಂದು ಹೀಗಳೆದು ಜಾತಿ ನಿಂದನೆ ಮಾಡಿದ ಪರ ಊರು ಮೂಲದ ಶಿರಸಿ ಸಾರಿಗೆ ನೌಕರನ ಮೇಲೆ ಕ್ರಮಕ್ಕೆ ಆಗ್ರಹಿಸಿ ನಾಮಧಾರಿ ಕೆ.ಎಸ್.ಆರ್.ಟಿ.ಸಿ. ನೌಕರರ
ಸಂಘ ಇಂದು ಶಿರಸಿಯಲ್ಲಿ ಪೊಲೀಸ್ ದೂರು ನೀಡಿರುವ ಬಗ್ಗೆ ಸುದ್ದಿಯಾಗಿದೆ.
ಕೆಲವು ದಿವಸಗಳ ಹಿಂದೆ ಶಿರಸಿ ಡಿಪೋ ವಾಹನ ಚಾಲಕರೊಬ್ಬರು ತಮ್ಮ ಇಲಾಖೆಯ ನಾಯ್ಕ ಎನ್ನುವ ಸಿಬ್ಬಂದಿ ಬಗ್ಗೆ ದೂರುತ್ತಾ ನಾಯ್ಕ ನನ್ಮಗ ಎಂದು ನಿಂದಿಸಿದ್ದರು ಎನ್ನಲಾಗಿದೆ. ಈ ಬಗ್ಗೆ ಚರ್ಚೆಯಾಗಿ ದೀವರು ಮತ್ತು ನಾಮಧಾರಿ ಸಮೂದಾಯದ ಹೆಸರು ಎಳೆದು ತಂದದ್ದಕ್ಕಾಗಿ ಕ್ಷಮೆ ಯಾಚಿಸಬೇಕೆಂದು ನಾಮಧಾರಿ ಸಮಾಜದ ಸಿಬ್ಬಂದಿಗಳು ಆಗ್ರಹಿಸಿದ್ದರು. ಈ ಆಗ್ರಹ, ಅಭಿಪ್ರಾಯಗಳನ್ನು ಗೌರವಿಸದೆ ಉಡಾಫೆ ಮಾಡಿರುವ ನೌಕರನ ವಿರುದ್ಧ ಅವರ ಸಹೋದ್ಯೋಗಿ ನೌಕರರು ಜಾತಿ ನಿಂದನೆ,ಸಮೂದಾಯ ಹೀಗಳೆದ ಉಡಾಫೆ ತನಕ್ಕೆ ಆ ನೌಕರನಿಗೆ ಶಿಕ್ಷಸಬೇಕೆಂದು ಇಂದು ಪೊಲೀಸ್ ದೂರು ಮತ್ತು ನಾಳೆ ಇಲಾಖೆಯ ಹಿರಿಯ ಅಧಿಕಾರಿಗಳಿಗೆ ದೂರು ನೀಡಿ ಪ್ರತಿಭಟಸಿರುವುದಾಗಿ ಖಚಿತ ಮೂಲಗಳು ಸಮಾಜಮುಖಿಗೆ ತಿಳಿಸಿವೆ.