ಸಿದ್ಧಾಪುರದಲ್ಲಿ ಕಳೆದ ಎರಡು ದಿವಸಗಳಿಂದ ಹೊಸ ಕರೋನಾ ಪ್ರಕರಣಗಳಿಲ್ಲ ಎನ್ನುವ ಖುಷಿಯ ಸಮಾಚಾರದ ನಡುವೆ ಇಂದು ಎರಡು ಪ್ರಕರಣಗಳು ಕರೋನಾದಿಂದಾದ ಸಾವುಗಳು ಎನ್ನುವುದು ಖಾತ್ರಿಯಾಗಿದೆ. ಸಿದ್ಧಾಪುರದ ತಂಡಾಗುಂಡಿಯ ಕಾನ್ಸರ್ ಪೀಡಿತ ಮಹಿಳೆ ಮಂಗಳೂರಿನಲ್ಲಿ ನಿಧನರಾಗಿದ್ದು ಅವರು ಕರೋನಾ ಪೀಡಿತರಾಗಿದ್ದರು ಎನ್ನುವುದು ಸ್ಪಷ್ಟವಾಗಿದೆ.
ಈ ಪ್ರಕರಣಕ್ಕಿಂತ ವಿಚಿತ್ರ, ವಿಶೇಶ ಸಂಗತಿ ಎಂದರೆ…..
ಇಂದು ಸಿದ್ಧಾಪುರದ ಸೊರಬ ರಸ್ತೆಯ ಷಣ್ಮುಖ ಮಡಿವಾಳ ಎನ್ನುವ ವ್ಯಕ್ತಿ ಹೃದಯಾಘಾತದಿಂದ ನಿಧನರಾಗಿದ್ದು ಆಘಾತಕಾರಿ ಸಂಗತಿಯೆಂದರೆ ಅವರಿಗೆ ಕರೋನಾ ಸೋಂಕು ದೃಢಪಟ್ಟಿರುವ ಬಗ್ಗೆ ಅವರ ಅಂತ್ಯ ಸಂಸ್ಕಾರದ ನಂತರ ಖಾತ್ರಿಯಾಗಿದೆ.
ಈ ಷಣ್ಮುಖ ಮಡಿವಾಳ ಮಧುಮೇಹದಿಂದ ಬಳಲುತಿದ್ದು ಹೃದಯಾಘಾತದಿಂದ ಮೃತಪಟ್ಟಿರುವುದು ಸುದ್ದಿಯಾಗಿತ್ತು. ಆದರೆ ಈ ಷಣ್ಮುಖ ಮಡಿವಾಳ ಉಡುಪಿಯಲ್ಲಿ ತಮ್ಮ ಗಂಟಲು ದೃವ ಮಾದರಿ ಕೊಟ್ಟಿದ್ದು ಇಂದು ವಿಳಂಬವಾಗಿ ಬಂದ ವರದಿ ಅವರಲ್ಲಿ ಕರೋನಾ ಇರುವುದನ್ನು ದೃಢಪಡಿಸಿದೆ. ಇದರಿಂದಾಗಿ ಹೃದಯಾಘಾತದ ಸಾವೆಂದು ಸೇರಿದ್ದ ಸಿದ್ಧಾಪುರದ ಅಸಂಖ್ಯ ಜನರು ಈಗ ಕರೋನಾ ಭೀತಿಯಿಂದ ಕಂಗಾಲಾಗುವಂತಾಗಿದೆ.
