ಈ ರಾತ್ರಿ
ಸರಿರಾತ್ರಿ; ಸುಮ್ಮನಿಲ್ಲ ಯಾವುದೂ
ಅವಿರತ ಅವರಿವರ ಸದ್ದುಗದ್ದಲವೂ
ಸುಳ್ಳೇಕೆ ಹೇಳಲಿ
ನೀರವವೆಂಬುದು ಈ ಜಗತ್ತಿನಲ್ಲಿ ಸುಳ್ಳು
ಸಣ್ಣಗೆ ಕಂಪಿಸಿದಂತಿದೆ ಆಕಾಶ
ನಕ್ಷತ್ರಗಳ ತಳಮಳ ತಾಕಿ
ತಣ್ಣಗೆ ತುಯ್ದಾಡುತ್ತ ದೀಪ ಅಲ್ಲೊಂದು ಇಲ್ಲೊಂದು
ಜಗತ್ತಿನ ಸಂಕಟಗಳೆಲ್ಲ ಸೂರಿನಡಿ ಮಾತಿಗೆ ಕೂತಂತೆ
ಅಲ್ಲಲ್ಲಿ ಅದೆಂಥದೋ ಅಬ್ಬರ
ಬೊಬ್ಬೆಯಿಡುತ್ತಿವೆ ನಾಯಿಗಳು
ಕೇಳಿಸುತ್ತಿದೆ ಯಾರೋ ಚೀರಿದಂತೆ
ಬೊಗಳುವ ನಾಯಿ ಕಚ್ಚದೆಂಬುದು ಮಿಥ್ಯವೆ?
ಎಣಿಸಬೇಕೆನ್ನಿಸುತ್ತಿದೆ ಫಳಫಳ ನಕ್ಷತ್ರಗಳ
ಒಳಗಿನ ಸುಳ್ಳುಗಳ ಉರಿವ ಉಲ್ಕೆಗಳ ಬೆತ್ತಲ
ಎಣಿಸಗೊಡದೆ ತಡೆಯುವುದು
ಸೋಗುಗಳ ಮಾಟ ಮೈಯಾಗಿ ಆಡುವ ಆಟ
ಬೆಳಗಾಗುವುದರ ಸುಳಿವೇ ಇಲ್ಲ
ನೋವನ್ನೇ ಒಡೆದಿಡುತ್ತಿರುವ ಈ ರಾತ್ರಿ
ಬಹುಶಃ ಕೊನೆಯಾಗುವುದೇ ಇಲ್ಲ
-ವೆಂಕಟರಮಣ ಗೌಡ.
_______________________________________________________________
ಮಾನ್ಯರೆ, ನಮ್ಮ ಮಾಧ್ಯಮ ಕ್ಷೇತ್ರದ ಸಮಾಜಮುಖಿ ನಡೆ ಈಗ ಕಾಲು ಶತಮಾನ ದಾಟಿದೆ. ಈ ಪಯಣದಲ್ಲಿ samajamukhi.net ನ್ಯೂಸ್ ಪೋರ್ಟಲ್ samaajamukhi & samajamukhinews ಯೂಟ್ಯೂಬ್ ಚಾನೆಲ್ ಗಳು ಹಾಗೂ ಸಮಾಜಮುಖಿ & samaajamukhi.net ಫೇಸ್ಬುಕ್ ಪೇಜ್ ಗಳು ಸೇರಿವೆ. ಈ ಎಲ್ಲಾ ಘಟಕಗಳ ನಿರ್ವಹಣೆ & ನಿರಂತರತೆಗೆ ನಿಮ್ಮ ಸಹಕಾರ ಮುಖ್ಯ. ನಮ್ಮ ಸುದ್ದಿ, ವಿಡಿಯೋ, ಸ್ಟೋರಿ ಗಳನ್ನು like, share ಹಾಗೂ subscribe ಮಾಡಿ ಸಹಕರಿಸುತ್ತಾ ನಮ್ಮ ಈ ಮಾಧ್ಯಮ ಸಮೂಹದ ಸಿದ್ಧಾಪುರ ಕೆನರಾ ಬ್ಯಾಂಕ್ ಖಾತೆ samajamukhi 03082200081658 ಅಕೌಂಟ್‌ಗೆ ಮತ್ತು ನಮ್ಮ gpay & phone pay Acc No 9740598884 ಗೆ ಆರ್ಥಿಕ ನೆರವು ನೀಡುತ್ತಾ ನಮ್ಮ ಜೊತೆಯಾಗಲು ಕಳಕಳಿಯ ವಿನಂತಿ…….. ಇಂತಿ ನಿಮ್ಮ Kannesh Kolsirsi
_______________________________________________________________
