ದೇಶವನ್ನು ತಲ್ಲಣಗೊಳಿಸಿರುವ ಕೋವಿಡ್19ಅನೇಕರನ್ನು ಬಲಿ ಪಡೆದಿದೆ. ರಾಜ್ಯದಾದ್ಯಂತ ವ್ಯಾಪಕವಾಗಿ ವಿಸ್ತ ರಿಸುತ್ತಿರುವ ಕರೋನಾ ಅನೇಕರನ್ನು ಬಲಿ ಪಡೆದಿದೆ. ಮಾರಣಾಂತಿಕವಾಗಿ ವ್ಯಾಪಿಸುತ್ತಿರುವ ಕರೋನಾ ವಿಸ್ತರಣೆ ಹಿಂದೆ ಮದುವೆ, ಹಬ್ಬ, ಕಾರ್ಯಕ್ರಮಗಳ ಪಾತ್ರ ಪ್ರಮುಖವಾಗಿದೆ. ಮಡಿಕೇರಿಯಿಂದ ಕಾರವಾರದವರೆಗೆ ರಾಜ್ಯದ ಬಹುತೇಕ ಜಿಲ್ಲೆಗಳಲ್ಲಿ ಕರೋನಾ ವಿಸ್ತರಿಸು ತ್ತಿರುವ ಹಿಂದೆ ಚುನಾವಣೆ,ಮದುವೆ, ಮುಂಜಿ ಸೇರಿದ ಪಾರ್ಯಕ್ರಮಗಳೇ ಪ್ರಮುಖ ಪಾತ್ರ ಎನ್ನುವುದನ್ನು ಸಮೀಕ್ಷೆಗಳು ಸಾಬೀತುಮಾಡಿವೆ.

ಶಿರಸಿ ಬನವಾಸಿ ಭಾಗದ ಕೆಲವು ಮದುವೆಗಳಲ್ಲಿ ಪಾಲ್ಗೊಂಡವರಲ್ಲಿ ಬಹುತೇಕ ಜನರಲ್ಲಿ ಕೋವಿಡ್ ಪತ್ತೆಯಾಗಿರುವುದಕ್ಕೆ ನಿದರ್ಶನಗಳಿವೆ. ಶಿರಸಿ-ಸಿದ್ಧಾಪುರ ಸಾಗರ ಸೇರಿದ ಮಲೆನಾಡು ಭಾಗಗಳಲ್ಲಿ, ಕರಾವಳಿ, ಬಯಲುಸೀಮೆಗಳಲ್ಲೂ ಜನ ಸೇರುವ ಕಾರ್ಯಕ್ರಮಗಳಿಂದಲೇ ಕರೋನಾ ವಿಸ್ತರಿಸುತ್ತಿರುವ ಬಗ್ಗೆ ತಜ್ಞರು ಎಚ್ಚರಿಸಿದ್ದಾರೆ.

ಕಳೆದ ವರ್ಷದ ಕರೋನಾ ಮೊದಲ ಅವಧಿಯಲ್ಲಿ ಜನರಲ್ಲಿ ಭಯ, ಆತಂಕಗಳಿದ್ದವು. ಸರ್ಕಾರಗಳೂ ಕೂಡಾ ವಿಳಂಬವಾಗಿಯಾದರೂ ಸಂಪೂರ್ಣ ಲಾಕ್ ಡೌನ್ ಮಾಡಿದ್ದುದು ಕರೋನಾ ಹಿಮ್ಮೆಟ್ಟಿಸಲು ಸಹಕಾರಿಯಾಗಿತ್ತು. ಈ ವರ್ಷ ಕರೋನಾ ರುದ್ರ ನರ್ತನ, ಸಾವು- ನೋವುಗಳ ಮಧ್ಯೆ ಜನರ ನಿರ್ಲಕ್ಷ-ಉಪೇಕ್ಷೆ ಎದ್ದು ಕಾಣುತ್ತಿದೆ. ಮದುವೆ, ಹಬ್ಬ-ಜಾತ್ರೆಗಳಲ್ಲಿ ಪಾಲ್ಗೊಂಡವರು ಕರೋನಾ ಸೋಂಕಿತರಾಗುತ್ತಿರುವುದು ಈಗಿನ ವಿದ್ಯಮಾನಕ್ಕೆ ಉದಾಹರಣೆ.

ಅನಾವಶ್ಯಕ ಭಯ- ಕರೋನಾ ಬರದಂತೆ ಜಾಗೃತಿ ವಹಿಸುವುದು, ಮುನ್ನೆಚ್ಚರಿಕೆ ವಹಿಸುವುದು ಅಪೇಕ್ಷಣೀಯ ಆದರೆ ಕರೋನಾ ಬಾಧಿತರನ್ನು ಅಸ್ಪೃಶ್ಯರಂತೆ ನೋಡುವುದು ಸಮಾಜದ ಸಾಮಾಜಿಕ ಕ್ಷೋಭೆಯಾಗಿ ಕಾಣುತ್ತಿದೆ. ಆಸ್ಫತ್ರೆಗಳಲ್ಲಿ ಕರೋನಾ ಬಾಧಿತರಿಗೆ ಸೇವೆ ಮಾಡಲು ಹಿಂಜರಿಯುವುದು, ಮೃತ ಕರೋನಾ ಸೋಂಕಿತರನ್ನು ಅಂತ್ಯಸಂಸ್ಕಾರ ಮಾಡಲು ಸಂಬಂಧಿಗಳೇ ಹಿಂದೇಟು ಹಾಕುವುದು ಸೇರಿದಂತೆ ಅನೇಕ ರಗಳೆ, ಅಸಹ್ಯಗಳಿಗೆ ಈಗಿನ ಕರೋನಾ ಭಯ ಕಾರಣವಾಗುತ್ತಿದೆ. ಆದರೆ ಅನುಭವಿಗಳು, ಶುಸ್ರುಕಿಯರು, ಕರೋನಾ ಬಾಧಿತರ ಚಿಕಿತ್ಸೆ ಮಾಡುತ್ತಿರುವ ಜನರು, ವೈದ್ಯರು, ಸ್ವಯಂ ಸೇವಕರು ಕರೋನಾ ಬಾಧಿತರಿಗೆ ನೆರವು ನೀಡುತಿದ್ದು ಮುನ್ನೆಚ್ಚರಿಕೆ, ಮುಂಜಾಗೃತೆ, ಕರೋನಾ ನೀತಿ-ನಿಯಮ, ಶಿಸ್ತು ಪಾಲನೆ ಗಳಿಂದ ಕರೋನಾ ಬಾಧಿತರ ಜೊತೆಗಿದ್ದೂ ಕರೋನಾ ಬರದಂತೆ ಸುರಕ್ಷಿಯವಾಗಿರಬಹುದೆಂಬುದನ್ನೂ ಲಕ್ಷಾಂತರ ಜನರು ನಿರೂಪಿಸಿದ್ದಾರೆ.

ಮದುವೆಯಲ್ಲಿ ಕೋವಿಡ್ ನಿಯಮ ಉಲ್ಲಂಘನೆ: ಹಾಸ್ಯನಟಿ ಸುಗಂಧ ಮಿಶ್ರಾ, ಇತರರ ವಿರುದ್ಧ ಕೇಸ್ ದಾಖಲು

ಹಾಸ್ಯನಟಿ ಸುಗಂಧ ಮಿಶ್ರಾ ಅವರು ಕಳೆದ ವಾರ ಇಲ್ಲಿನ ರೆಸಾರ್ಟ್‌ ವೊಂದರಲ್ಲಿ ಹಾಸ್ಯನಟ ಸಂಕೇತ್ ಭೋಸಲೆ ಅವರೊಂದಿಗೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದು, ಮದುವೆ ಸಮಾರಂಭದಲ್ಲಿ ಕೋವಿಡ್ ನಿಯಮ ಉಲ್ಲಂಘಿಸಿದ….

ಫಗ್ವಾರಾ: ಹಾಸ್ಯನಟಿ ಸುಗಂಧ ಮಿಶ್ರಾ ಅವರು ಕಳೆದ ವಾರ ಇಲ್ಲಿನ ರೆಸಾರ್ಟ್‌ ವೊಂದರಲ್ಲಿ ಹಾಸ್ಯನಟ ಸಂಕೇತ್ ಭೋಸಲೆ ಅವರೊಂದಿಗೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದು, ಮದುವೆ ಸಮಾರಂಭದಲ್ಲಿ ಕೋವಿಡ್ ನಿಯಮ ಉಲ್ಲಂಘಿಸಿದ ಆರೋಪದ ಮೇಲೆ ನಟಿ ಹಾಗೂ ಇತರರ ವಿರುದ್ಧ ಕೇಸ್ ದಾಖಲಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಮದುವೆಯಲ್ಲಿ ಕೋವಿಡ್ ನಿಯಮ ಉಲ್ಲಂಘಿಸಿ ಹೆಚ್ಚಿನ ಜನರು ಭಾಗವಹಿಸಿದ ವಿಡಿಯೋ ವೈರಲ್ ಆದ ನಂತರ ಸುಗಂಧ ಮಿಶ್ರಾ ಹಾಗೂ ವರನ ಕಡೆಯವರು, ರೆಸಾರ್ಟ್‌ ಮಾಲೀಕರು ಮತ್ತು ಮದುವೆಯಲ್ಲಿ ಭಾಗವಹಿಸಿದವರ ವಿರುದ್ಧ ಬುಧವಾರ ರಾತ್ರಿ ಪ್ರಕರಣ ದಾಖಲಿಸಲಾಗಿದೆ ಎಂದು ಉಪ ಪೊಲೀಸ್ ವರಿಷ್ಠಾಧಿಕಾರಿ ಪರಮ್‌ಜಿತ್ ಸಿಂಗ್ ಹೇಳಿದ್ದಾರೆ.