ನಿರಂತರ ಹೋರಾಟದಲ್ಲಿರುವ ಶಿರಸಿ ಕೇಂದ್ರಿತ ಪ್ರತ್ಯೇಕ ಕದಂಬ ಜಿಲ್ಲೆ ಹೋರಾಟ ಸಮೀತಿ ಈ ತಿಂಗಳಿಂದ ಸಿದ್ಧಾಪುರದ ಗ್ರಾಮೀಣ ಪ್ರದೇಶಗಳಲ್ಲಿ ಪ್ರತ್ಯೇಕ ಜಿಲ್ಲೆಗಾಗಿ ಸಹಿ ಸಂಗ್ರಹಣೆ ಅಭಿಯಾನ ಪ್ರಾರಂಭಿಸಿದೆ. ಗ್ರಾಮೀಣ ಪ್ರದೇಶಗಳ ಮನೆಮನೆಗಳಿಗೆ ತೆರಳಿ ಸಹಿಸಂಗ್ರಹಿಸಲಿರುವ ಸಮೀತಿಯ ಸದಸ್ಯರು ತಿಂಗಳ ಕೊನೆಗೆ ಸಮಾರೋಪ ಸಭೆ ನಡೆಸಲಿದ್ದಾರೆ. ಈ ಬಗ್ಗೆ ಇಂದು ಮಾಹಿತಿ ನೀಡಿದ ಹೋರಾಟ ಸಮೀತಿ ಸದಸ್ಯರು ಎಫ್ರಿಲ್‌ ೬ ರಿಂದ ೨೬ ರ ವರೆಗೆ ಅಭಿಪ್ರಾಯ ಸಂಗ್ರಹಿಸಿ ಸಹಿ ಪಡೆಯುವ ಅಭಿಯಾನ ನಡೆಯಲಿದೆ ಇದಕ್ಕೆ ಸಾರ್ವಜನಿಕ ಸಹಕಾರ ಬೇಕು ಎಂದರು.
ಕಾನಳ್ಳಿ ಕಾರ್ಯಕ್ರಮ- ಸಿದ್ಧಾಪುರ ಕಡಕೇರಿ ಕಾನಳ್ಳಿಯಲ್ಲಿ ಅಸಂಘಟಿತ ಉ.ಕ. ಹಸ್ಲರ್‌ ಕ್ಷೇಮಾಭಿವೃದ್ಧಿ ಸಂಘಕ್ಕೆ ಚಾಲನೆ ನೀಡಲಾಯಿತು. ಶಾಸಕ ಭೀಮಣ್ಣ ನಾಯ್ಕ ಈ ಸಂಘಕ್ಕೆ ಚಾಲನೆ ನೀಡಿ ಹಸ್ಲರ್‌ ಪ್ರಮುಖರನ್ನು ಸನ್ಮಾನಿಸಿ ಗೌರವಿಸಿದರು.
ಕವಿಗೋಷ್ಠಿ- ಎ.೭ ರ ಸೋಮುವಾರ ಹೊಸೂರಿನ ಎಂ.ಕೆ.ನಾಯ್ಕ ಹೊಸಳ್ಳಿಯವರ ಮನೆಯಲ್ಲಿ ತಾಲೂಕಾ ಕನ್ನಡ ಸಾಹಿತ್ಯ ಪರಿಷತ್‌ ನ ಮಹಿಳಾ ಸಂವೇದನೆ ಕವಿಗೋಷ್ಠಿ ನಡೆಯಲಿದೆ. ಆಸಕ್ತ ಕವಿಗಳು೯೫೩೫೮೧೬೨೮೭,೯೫೯೧೩೭೬೫೭೭, & ೬೩೬೦೭೭೦೨೪೮ ಈ ಸಂಖ್ಯೆಗಳನ್ನು ಸಂಪರ್ಕಿಸಲು ತಾ.ಕ.ಸಾ.ಪ. ಅಧ್ಯಕ್ಷ ಸಂದ್ರಶೇಖರ್‌ ಕುಂಬ್ರಿಗದ್ದೆ ತಿಳಿಸಿದ್ದಾರೆ.
