ಸಮಾಜದ ಸಮಾನತೆಯ ಶತ್ರು RSS ಅಪಾಯಕಾರಿ ಯಾಕೆಂದರೆ
— ಲೋಹಿತ್ ನಾಯಕ.
ಸಮಾಜದ ಸಮಾನತೆಯ ಶತ್ರು RSS ಅಪಾಯಕಾರಿ ಯಾಕೆಂದರೆ
— ಲೋಹಿತ್ ನಾಯಕ.
ಇಂದಿನ ಭಾರತದಲ್ಲಿ “ರಾಷ್ಟ್ರೀಯತೆಯ” ಹೆಸರಿನಲ್ಲಿ ನಡೆಯುತ್ತಿರುವ ಅತಿದೊಡ್ಡ ಅಪಾಯವೆಂದರೆ ಬೆಳೆಯುತ್ತಿರುವ RSS ವಿಚಾರ ಧಾರೆ. ಬಹುಜನರ ಹಕ್ಕುಗಳನ್ನು ಕಸಿದುಕೊಂಡು, ಬ್ರಾಹ್ಮಣಿಕ ವ್ಯವಸ್ಥೆಯನ್ನು ಶಾಶ್ವತಗೊಳಿಸುವ ಕಾರ್ಯದಲ್ಲಿರುವ ಈ ಸಂಘಟನೆಗೆ ವಿರೋಧ ತೋರಿಸುವುದು ನಮ್ಮ ಶೋಷಿತ ಸಮುದಾಯಗಳ ಸಾಮಾಜಿಕ ಜವಾಬ್ದಾರಿಯಾಗಿದೆ.
- ಬ್ರಾಹ್ಮಣಿಕ ಮೂಲ ತತ್ವ RSS ಮನುವಾದದ ಆಧಾರದಲ್ಲಿ ನಿರ್ಮಿತವಾಗಿದೆ. ವರ್ಣ ವ್ಯವಸ್ಥೆಯನ್ನು ದೇವತಾ ಸೃಷ್ಟಿ ಎಂಬಂತೆ ಬಿಂಬಿಸಿ, ಸಮಾಜವನ್ನು ಬ್ರಾಹ್ಮಣ ಪ್ರಭುತ್ವದ ರಾಜ್ಯವನಾಗಿ ರೂಪಿಸಬೇಕೆಂಬುದೇ ಇದರ ಮೂಲ ಉದ್ದೇಶ.
- ನುಸುಳುಕೋರುವಿಕೆ & ಹಸ್ತಕ್ಷೇಪ :
ಇವರು ತನ್ನ ಸದಸ್ಯರನ್ನು ವಿವಿಧ ಸಂಸ್ಥೆಗಳಲ್ಲಿ ವಿಶ್ವವಿದ್ಯಾಲಯಗಳು, ಮಾಧ್ಯಮಗಳು, ಸರ್ಕಾರಿ ಇಲಾಖೆಗಳು ಮತ್ತು ಗಣ್ಯ ಸಂಸ್ಥೆಗಳಲ್ಲಿ — ಒಳನುಸುಳಿಸುತ್ತದೆ. ನಂತರ ನಿಧಾನವಾಗಿ ಆ ಸಂಸ್ಥೆಗಳ ಚಿಂತನೆ, ಧೋರಣೆ ಮತ್ತು ನೇಮಕಾತಿ ವ್ಯವಸ್ಥೆಯನ್ನು ಹಸ್ತಗತ ಮಾಡಿಕೊಳ್ಳುತ್ತದೆ. ಜನತಾಂತ್ರಿಕ ಕಾರ್ಯವಿಧಾನ ಬದಲು, ಸಂಘದ ನಿಯಮದ ಆಧಾರದ ಮೇಲಿನ ನಿಯಂತ್ರಣವನ್ನು ತರಲು ಯತ್ನಿಸುತ್ತಾರೆ. - ವಿಭಜನೆಯ ತಂತ್ರ:
ಒಬಿಸಿ, ಎಸ್ಸಿ, ಎಸ್ಟಿ ವರ್ಗಗಳು ಒಂದಾಗುವ ಭೀತಿಯಿಂದ ಈ ಸಂಘಟನೆ ಉಪ ವರ್ಗಗಳ ವೈಷಮ್ಯವನ್ನು ಉತ್ತೇಜಿಸುತ್ತದೆ. “ಬಹುಜನ ಏಕತೆಗೆ” ಕುತಂತ್ರದಿಂದ ಕೆಲಸ ಮಾಡುತ್ತದೆ. - ಸಾಂಸ್ಕೃತಿಕ ವಶೀಕರಣ :
ಫುಲೆ, ಪೆರಿಯಾರ್, ಅಂಬೇಡ್ಕರ್, ನಾರಾಯಣ ಗುರು ಮುಂತಾದ ಸಾಮಾಜಿಕ ನಾಯಕರ ಸ್ಮರಣೆಯನ್ನು ಮಸುಕಾಗಿಸಿ, ಹಿಂದೂತ್ವದ ನಕಲಿ ಐಕಾನ್ ಗಳನ್ನು ಸೃಷ್ಟಿಸುತ್ತಾರೆ. ಕನ್ನಡದ ಭೂಮಿ ಹುಟ್ಟಿಸಿದ ಬಸವಣ್ಣ, ಕೂಡಲ ಸಂಗಮ ಶರಣರು, ಕ್ರಾಂತಿಶೀಲ ಸಂತರು — ಇವರ ಮೌಲ್ಯಗಳು ಇವರಿಗೆ ಅಜೀರ್ಣ. - ಸಂವಿಧಾನ ವಿರೋಧಿ ಮನೋಭಾವ: ಸಂಘ ಅಂಬೇಡ್ಕರ್ ಬರೆದ ಸಂವಿಧಾನವನ್ನು “ಪಾಶ್ಚಾತ್ಯ ಮಾದರಿ” ಎಂದು ತಳ್ಳಿಹಾಕಿ, ಮನುವಾದದ ನಿಯಮಗಳಿಗೆ ಮರಳಿಸಲು ಪ್ರಯತ್ನಿಸುತ್ತದೆ. ಇದು ದೇಶದ ಜನತಾಂತ್ರಿಕ ಆತ್ಮದ ವಿರುದ್ಧವಾದ ಅಪರಾಧ.
- ರಾಜಕೀಯ ಮೋಸ :
OBC, SC, ST ಮುಖಂಡರ ಮುಖವಾಡವನ್ನು ಮುನ್ನೆಲೆಗೆ ತಂದು, ನಿಜವಾದ ಅಧಿಕಾರವನ್ನು ಬ್ರಾಹ್ಮಣ ವಲಯದಲ್ಲೇ ಕೇಂದ್ರೀಕರಿಸುತ್ತಾರೆ.
ಇದು “ಪಾಲಿಟಿಕಲ್ ಟೋಕೆನಿಸಮ್” ಎಂಬ ನಾಟಕ – ಕೇವಲ ಮುಖಗಳ ಬದಲಾವಣೆ, ವ್ಯವಹಾರದ ಮಾಲೀಕರು ಅವರೇ ಆಗಿರುತ್ತಾರೆ. (ಅಯೋಗ್ಯ ಗುಲಾಮರು ಇವರ ಆಯ್ಕೆ) - ಆರ್ಥಿಕ ಅಸಮಾನತೆ, ಕಾರ್ಮಿಕ ವರ್ಗ ಮತ್ತು ರೈತ ಸಮಾಜವಾದ ಒಬಿಸಿ, ಎಸ್ಸಿ, ಎಸ್ಟಿ ಜನರ ಶ್ರಮದ ಆಧಾರದಲ್ಲಿ ಈ ಸಂಘಟನೆ ಬಂಡವಾಳಶಾಹಿಯನ್ನು ಬಲಪಡಿಸುತ್ತಿದೆ. ಸಂಪತ್ತು ಮೇಲ್ವರ್ಗಕ್ಕೆ ಸೇರಿಸಿ, ಬಡತನವನ್ನು ಪವಿತ್ರತೆ ಎಂದು ಬಿಂಬಿಸುತ್ತದೆ.
- ಶಿಕ್ಷಣದ ಕ್ಷೇತ್ರದ ನಿಯಂತ್ರಣ : ಕರ್ನಾಟಕದ ಶೈಕ್ಷಣಿಕ ವಿಷಯಗಳಲ್ಲಿ ಸಂಘದ ಹಸ್ತಕ್ಷೇಪ ಅತಿ ಹೆಚ್ಚು ಕಾಣುತ್ತದೆ.
ಪಠ್ಯಪುಸ್ತಕಗಳಲ್ಲಿ ಅಂಬೇಡ್ಕರ್, ಫುಲೆ, ಕುವೆಂಪು , ನಾರಾಯಣ ಗುರು ಮತ್ತಿತರ ಸಾಮಾಜಿಕ ಚಿಂತಕರ ಅಭಿವ್ಯಕ್ತಿಯನ್ನು ಕಡಿಮೆ ಮಾಡಿ, ಹಿಂದೂತ್ವದ ಕಥಾನಕವನ್ನು ಪ್ರಾಮುಖ್ಯತೆ ನೀಡುತ್ತಾರೆ. - ಭಾಷಾ ಮತ್ತು ಸಂಸ್ಕೃತಿ ಹರಣ :
ಕನ್ನಡದ ಆತ್ಮವನ್ನು ಕುಂದಿಸುವ ರೀತಿಯಲ್ಲಿ ಸಂಸ್ಕೃತೀಕರಣ ನಡೆಸಿ,
ಕನ್ನಡ ಬದಲಿಗೆ ಸಂಸ್ಕೃತದ ಮಹತ್ವವನ್ನು ಹೆಚ್ಚಿಸಿ, ಸ್ಥಳೀಯ ಸಂಸ್ಕೃತಿಯನ್ನು ಹೀನಗೊಳಿಸುವುದೇ ಇವರ ಸುಪ್ತ ಉದ್ದೇಶ. - ಸಾಮಾಜಿಕ ಬದಲಾವಣೆಯ ಶತ್ರುಶಿಕ್ಷಣ, ಜಾಗೃತಿ ಮತ್ತು ಬೌದ್ಧ ಚಿಂತನೆಗಳನ್ನು ಈ ಸಂಘಟನೆ ತನ್ನ ವಿರೋಧಿಯಾಗಿಯೇ ನೋಡುವುದು.
11.ಸಾಮಾಜಿಕ ನ್ಯಾಯ ವಿರೋಧಿ: ಪ್ರಾತಿನಿಧ್ಯದ ವ್ಯವಸ್ಥೆಗೆ ಹಾಗೂ ಡಾ. ಅಂಬೇಡ್ಕರ್ ಬರೆದ ಸಂವಿಧಾನಕ್ಕೆ RSS ಮುಕ್ತವಾಗಿ ವಿರೋಧಿಸಿದೆ. ಸಾಮಾಜಿಕ ಸಮಾನತೆ ಬದಲು “ಸಮರಸತೆ” ಎಂಬ ಹುಸಿ ಉಪದೇಶದಿಂದ ಅಸಮಾನತೆಯನ್ನು ದಾಸ್ಯ ವ್ಯವಸ್ಥೆಯನ್ನು ಖಾಯಂ ಗೊಳಿಸುವ ಸಿದ್ಧಾಂತ ಇವರದ್ದಾಗಿದೆ.
ವರ್ಣಾಶ್ರಮದ ಕೆಳಗಿನ ವರ್ಗ, ಶೂದ್ರರು, ದಲಿತರು ಯೋಚಿಸಬಾರದು, ಪ್ರಶ್ನೆ ಮಾಡಬಾರದು ಎಂಬ ಮನೋಭಾವ ಬೆಳೆಸುವುದು RSS ನ ದೀರ್ಘಕಾಲೀನ ರಾಜತಂತ್ರ.
ಸಂಘ ಸಮಾಜವನ್ನು ದೊಡ್ಡ ಕುಟುಂಬದಂತೆ ತೋರಿಸುತ್ತಿದ್ದರೂ, ಅದರ ಒಳಗೆ ಶೋಷಣೆ ಮತ್ತು ಪ್ರಭುತ್ವದ ಸುಪ್ತ ಯೋಜನೆ ಇದೆ. ನಮ್ಮ ಸಾಮಾಜಿಕ ಚಳುವಳಿ ನಾಯಕರು — ಬಸವಣ್ಣದಿಂದ ಅಂಬೇಡ್ಕರ್ ತನಕ — ಎಲ್ಲರೂ “ಮಾನವಿಕತೆ”ಗಾಗಿ ಹೋರಾಡಿದರು.
ಇಂದು RSS ವಿರೋಧಿಸುವುದು ಅಂದರೆ ಅವರ ನೆನಪನ್ನು ಜೀವಂತಗೊಳಿಸುವುದು.
ಇಂಥದೊಂದು ಅಮಾನವೀಯ ಸಿದ್ಧಾಂತ ಭಾರತದ ಮುಗ್ಧ ಸಮಾಜದಲ್ಲಿ ಬೆರೆತು ಅನೇಕರ ಮನಸ್ಸನ್ನು ಕೆಡಿಸಿ, ಸಮಾಜದ ಸ್ವಾಸ್ಥವನ್ನು ಹಾಳುಮಾಡುತ್ತಿದೆ.
ಆ ಕಾರಣಕ್ಕೆ ವಿಶೇಷವಾಗಿ ಈ ದೇಶದ ಸೌಹಾರ್ದತೆ ಮತ್ತು ಅಂತಸತ್ವಕ್ಕೆ ಸದಾ ಧಕ್ಕೆ ತರುವ ಸಂಘದ ಬಗ್ಗೆ ಎಚ್ಚರದಿಂದ ಇರುವುದು ನಮ್ಮ ಕರ್ತವ್ಯ.
-ಲೇಖನ: ಲೋಹಿತ್ ನಾಯಕ್, ಹಿಂದುಳಿದ ವರ್ಗದ ಮುಖಂಡ ಹಾಗೂ ಚಿಂತಕರು.
_______________________________________________________________
ಮಾನ್ಯರೆ, ನಮ್ಮ ಮಾಧ್ಯಮ ಕ್ಷೇತ್ರದ ಸಮಾಜಮುಖಿ ನಡೆ ಈಗ ಕಾಲು ಶತಮಾನ ದಾಟಿದೆ. ಈ ಪಯಣದಲ್ಲಿ samajamukhi.net ನ್ಯೂಸ್ ಪೋರ್ಟಲ್ samaajamukhi & samajamukhinews ಯೂಟ್ಯೂಬ್ ಚಾನೆಲ್ ಗಳು ಹಾಗೂ ಸಮಾಜಮುಖಿ & samaajamukhi.net ಫೇಸ್ಬುಕ್ ಪೇಜ್ ಗಳು ಸೇರಿವೆ. ಈ ಎಲ್ಲಾ ಘಟಕಗಳ ನಿರ್ವಹಣೆ & ನಿರಂತರತೆಗೆ ನಿಮ್ಮ ಸಹಕಾರ ಮುಖ್ಯ. ನಮ್ಮ ಸುದ್ದಿ, ವಿಡಿಯೋ, ಸ್ಟೋರಿ ಗಳನ್ನು like, share ಹಾಗೂ subscribe ಮಾಡಿ ಸಹಕರಿಸುತ್ತಾ ನಮ್ಮ ಈ ಮಾಧ್ಯಮ ಸಮೂಹದ ಸಿದ್ಧಾಪುರ ಕೆನರಾ ಬ್ಯಾಂಕ್ ಖಾತೆ samajamukhi 03082200081658 ಅಕೌಂಟ್ಗೆ ಮತ್ತು ನಮ್ಮ gpay & phone pay Acc No 9740598884 ಗೆ ಆರ್ಥಿಕ ನೆರವು ನೀಡುತ್ತಾ ನಮ್ಮ ಜೊತೆಯಾಗಲು ಕಳಕಳಿಯ ವಿನಂತಿ…….. ಇಂತಿ ನಿಮ್ಮ Kannesh Kolsirsi
_______________________________________________________________
