# ರೈತರು ಕಂಪನಿಗೆ ಪಾವತಿಸಿದ ವಿಮಾ ಕಂತು ಗುಂಟೆಗೆ ರೂ.೬೫,

# ೨೩೨ ರೈತರು ಪ್ರತ್ಯೇಕವಾಗಿ ಗ್ರಾಹಕರ ನ್ಯಾಯಾಲಯಕ್ಕೆ ದೂರು ನೀಡಿದ್ದರು.

ಗ್ರಾಹಕರ ನ್ಯಾಯಾಲಯ ವಿಮಾ ಕಂಪನಿಗಳ ಸೇವಾ ನ್ಯೂನ್ಯತೆ ಎತ್ತಿ ಹಿಡಿದಿದೆ.

# ಪಿರ್ಯಾದುದಾರರೆಲ್ಲರಿಗೂ ಗುಂಟೆಗೆ ೫೧೮ ರೂ ಗಳಿಗೆ ಶೇ,೬ ಬಡ್ಡಿದರ ಸೇರಿಸಿ ನೀಡಲು ತೀರ್ಪು.

# ಕಂಪನಿಯ ಸೇವಾನ್ಯೂನ್ಯತೆಗೆ ದಂಡವಾಗಿ ಪ್ರತಿರೈತರಿಗೆ ೨ ಸಾವಿರ ರೂ. ದಂಡವಾಗಿ ನೀಡಲು ಆದೇಶ.

ಭಾರತದ ಬೆನ್ನುಹುರಿ ರೈತರು ಅಸಂಘಟಿತ ಕಾರ್ಮಿಕರು. ರೈತರ ವಿಚಾರದಲ್ಲಿ ಎಲ್ಲರದೂ ಉಪೇಕ್ಷಿತ ದೃಷ್ಟಿ, ಆದರೆ ರೈತರಿರಲಿ ಯಾರೇ ಇರಲಿ ಛಲದಿಂದ ಹೋರಾಟಕ್ಕಿಳಿದರೆ ಯಶಸ್ಸು ಸಾಧ್ಯ ಎಂದು ತೋರಿಸಿಕೊಟ್ಟ ರೈತರ ಸಾಹಸಗಾಥೆಯೇ ಈ ವರದಿಯ ವಸ್ತು.

ಉತ್ತರ ಕನ್ನಡ ಜಿಲ್ಲೆಯ ರೈತರಿಗೆ ಪ್ರತಿವರ್ಷ ಬೆಳೆವಿಮೆ ಎನ್ನುವುದು ಮರೀಚಿಕೆ. ಹಲವು ವರ್ಷಗಳಿಂದ ಬೆಳೆವಿಮೆ ಕಂತು ತುಂಬಿ ಮೋಸಹೋಗುವ ರೈತರಂತೆ ತ್ಯಾಗಲಿ ಸೇವಾ ಸಹಕಾರಿ ಸಂಘದ ಸದಸ್ಯರು ಪ್ರತಿವರ್ಷ ತಮ್ಮ ಬೆಳೆ ವಿಮೆ ತುಂಬಿ ಸುಮ್ಮನಾಗುತಿದ್ದರು. ಬೇಳೆವಿಮೆ ಮಾಡಿಸಿಕೊಳ್ಳುವ ಕಂಪನಿಗಳು ಪ್ರತಿವರ್ಷ ಒಂದಲ್ಲಾ ಒಂದು ಕಾರಣ ಹೇಳಿ ರೈತರಿಗೆ ಪಂಗನಾಮ ಹಾಕುತಿದ್ದರು.

ಈ ಬಗ್ಗೆ ಬೇಸತ್ತ ಸಿದ್ಧಾಪುರ ತ್ಯಾಗಲಿ ಭಾಗದ ನಾಣಿಕಟ್ಟಾ ಅಡಕೆ ರೈತರು ತಮ್ಮ ಸ್ಥಳಿಯ ತ್ಯಾಗಲಿ ಸೇವಾ ಸಹಕಾರಿ ಸಂಘದ ಮೂಲಕ ಪ್ರತಿಷ್ಟಿತ ಕಂಪನಿ ಬೆಳೆವಿಮೆ ಹಣ ತುಂಬಿಸಿಕೊಂಡು ತಮಗೆ ಮೋಸ ಮಾಡಿದೆ ಎಂದು ಗ್ರಾಹಕರ ವೇದಿಕೆಗೆ ದೂರುಕೊಟ್ಟರು. ೨೦೧೯ ನೇ ಇಸ್ವಿಯಲ್ಲಿ ತ್ಯಾಗಲಿ ಸೇವಾ ಸಹಕಾರಿ ಸಂಘದ ಎರಡು ನೂರಕ್ಕೂ ಹೆಚ್ಚು ರೈತರಿಂದ ಬೆಳೆವಿಮೆ ತುಂಬಿಸಿಕೊಂಡ ಕಂಪನಿ ಬೆಳೆಹಾನಿಗೆ ಪರಿಹಾರ ನೀಡಿರಲಿಲ್ಲ. ಈ ವಿಚಾರವನ್ನು ಗ್ರಾಹಕರ ನ್ಯಾಯಾಲಯಕ್ಕೆ ಒಯ್ದ ಸಂಘ ಬೆಳೆವಿಮೆ ಕಂಪನಿ ವಿರುದ್ಧ ಕಾರವಾರದ ಗ್ರಾಹಕರ ನ್ಯಾಯಾಲಯದಲ್ಲಿ ಪ್ರಕರಣ ದಾಖಲಿಸಿ ಪರಿಹಾರ ಪಡೆದಿದೆ.

ರೈತರಿಗೆ ನ್ಯಾಯಯುತವಾಗಿ ಸಿಗಬೇಕಾದ ಪರಿಹಾರದ ಮೊತ್ತ ಗುಂಟೆಗೆ ೭೦೦ ರೂಪಾಯಿ ಜೊತೆಗೆ ರೈತರಿಗಾದ ಮಾನಸಿಕ ಹಾನಿಗೆ ತಲಾ ಎರಡು ಸಾವಿರ ದಂಡ ಕೊಡಬೇಕೆಂದು ಕಂಪನಿ ವಿರುದ್ಧ ತೀರ್ಪು ನೀಡಿರುವ ನ್ಯಾಯಾಲಯ ಒಂದು ತಿಂಗಳ ಅವಧಿ ಒಳಗೆ ಈ ಪ್ರಕ್ರೀಯೆ ಮುಗಿಸುವಂತೆ ಆದೇಶಿಸಿದೆ. ಭಾರತದಲ್ಲಿ ಬೆಳೆವಿಮೆ ಹೆಸರಲ್ಲಿ ಹಲವು ವರ್ಷಗಳಿಂದ ರೈತರಿಗೆ ಕಂಪನಿಗಳು ಮೋಸ ಮಾಡುತ್ತಿವೆ. ಈ ಮೋಸದ ಜಾಲದ ವಿರುದ್ಧ ಕೆಳಹಂತದಲ್ಲಿ ನ್ಯಾಯ ಪಡೆದಿರುವ ತ್ಯಾಗಲಿ ಸೇವಾ ಸಹಕಾರಿ ಸಂಘ ನಾಣಿಕಟ್ಟಾದ ರೈತರು ಸರ್ಕಾರ ಮತ್ತು ಖಾಸಗಿ ಕಂಪನಿಗಳ ಮೋಸದಾಟವನ್ನು ಬಯಲು ಮಾಡಿದ್ದಾರೆ.

ಈ ವಿಚಾರದಲ್ಲಿ ವಿಮಾ ಕಂಪನಿಯ ಮುಂದಿನ ಕಾರ್ಯತಂತ್ರಗಳ ವಿರುದ್ಧ ಹೋರಾಡುವುದಾಗಿಯೂ ತಿಳಿಸಿದ್ದಾರೆ. ರೈತರು ಸಾಮೂಹಿಕವಾಗಿ ಸಂಘಟಿತರಾಗಿ ತಮಗಾದ ಅನ್ಯಾಯದ ವಿರುದ್ಧ ಹೋರಾಟಮಾಡಿ ಗೆದ್ದ ದೃಷ್ಟಾಂತ ಬಲು ಅಪರೂಪ. ಈ ಸಾಹಸ ಮಾಡಿದ ತ್ಯಾಗಲಿ ಸೇವಾಸಹಕಾರಿ ಸಂಘದ ಎನ್.ಬಿ.ಹೆಗಡೆ ರೈತರ ಹೋರಾಟಕ್ಕೆ ನೇತೃತ್ವ ನೀಡಿರುವ ಸಂಸ್ಥೆ ಸದಾ ರೈತರ ಶ್ರೇಯೋಭಿವೃದ್ಧಿಗೆ ಶ್ರಮಿಸುತ್ತಿರುವುದಕ್ಕೆ ಇದೊಂದು ಉದಾಹರಣೆಯಷ್ಟೇ ಎಂದಿದ್ದಾರೆ.