ನಾರಾಯಣ ಗುರು ಜಯಂತೋತ್ಸವದಲ್ಲಿ ಇದು ಸರಿಯೆ?

ಗೌರವಾನ್ವಿತ ಮಾನ್ಯ ಸಂಪಾದಕರೆ….
ನೀವು ನಮ್ಮ ಸಮಾಜಮುಖಿ ಗ್ರೂಪ್‌ ಮೂಲಕ ನಿಷ್ಠೂರವಾಗಿ, ಪ್ರಾಮಾಣಿಕವಾಗಿ ಮಾಧ್ಯಮದ ಸೇವೆ ಸಲ್ಲಿಸತ್ತಾ ನಮ್ಮ ತಾಲೂಕು, ಜಿಲ್ಲೆ, ರಾಜ್ಯದ ಆಸ್ತಿ ಯಾಗಿದ್ದೀರಿ ಅಭಿನಂದನೆಗಳು. ನಿಮ್ಮೆಲ್ಲಾ ಅಂತರ್ಜಾಲ ಖಾತೆಗಳಿಗೆ ಚಂದದಾರರಾಗುವ ಮೂಲಕ ನಮ್ಮ ಜನ ನಿಮ್ಮ ಸೇವೆ ಉತ್ತೇಜಿಸಬೇಕು.
ಆ ಬಗ್ಗೆ ನಮ್ಮ ಸಹಕಾರವಿದೆ. ಇಂದು ಸಿದ್ದಾಪುರದಲ್ಲಿ ತಾಲೂಕಾ ಆಡಳಿತದಿಂದ ನಾರಾಯಣ ಗುರು ಜಯಂತಿ ಆಚರಿಸಲಾಯಿತು. ಅಲ್ಲಿ ಉಪಸ್ಥಿತನಿದ್ದು ಪ್ರತ್ಯಕ್ಷದರ್ಶಿ ಯಾಗಿದ್ದ ನನ್ನ ಅಭಿಪ್ರಾಯ, ಅನಿಸಿಕೆ ಎಂದರೆ….

ಹಲವಾರು ಪುಣ್ಯ ಪುರುಷರ ಜಯಂತಿಗಳನ್ನು ಎಲ್ಲಾ ತಾಲೂಕು, ನಾನಾ ಸಮೂದಾಯಗಳ ಸಹಕಾರಗಳಲ್ಲಿ ಆಚರಿಸಲಾಗುತ್ತದೆ. ಅಲ್ಲಿ ಸಭಾ ಶಿಸ್ತು ಶಿಷ್ಟಾಚಾರಗಳೆಲ್ಲಾ ಇರುತ್ತವೆ. ಆದರೆ ನಮ್ಮ ನಾರಾಯಣಗುರು ಜಯಂತೋತ್ಸವದಲ್ಲಿ ರಾಜಕೀಯ ನಾಯಕರ ಸಮಾವೇಶ ಮಾಡಿದ್ದು ಸರಿಯೆ?
ತಾಲೂಕಾಡಳಿತ, ಸರ‍್ಕಾರದ ಶಿಷ್ಟಾಚಾರದ ಪ್ರಕಾರ ಗ್ಯಾರಂಟಿ ಅನುಷ್ಠಾನ ಸಮೀತಿ ಅಧ್ಯಕ್ಷರು, ಪ.ಪಂ.ಸದಸ್ಯರು ವೇದಿಕೆ ಮೇಲಿರುವುದು ಸರಿ? ಆದರೆ ಮರಿಪುಡಾರಿಗಳೆಲ್ಲಾ ವೇದಿಕೆ ಏರಿ ಪೋಜು ಕೊಟ್ಟು ಸಾಧಿಸಿದ್ದಾದರೂ ಏನು?

ಉತ್ತಮ ಪ್ರಾಸ್ತಾವಿಕ ನುಡಿಗಳನ್ನಾಡಿದ ತಾಲೂಕಾ ದಂಡಾಧಿಕಾರಿಗಳು ಸಂಪ್ರದಾಯ, ಸಾರ‍್ವಜನಿಕ ಗೌರವಗಳ ಹಿನ್ನೆಲೆಯಲ್ಲಿ ಸಮೂದಾಯದ ಒಂದೆರಡು ಪ್ರಮುಖರು, ಸರ‍್ಕಾರಿ ಶಿಷ್ಟಾಚಾರದಂತೆ ಕೆಲವರನ್ನು ಅತಿಥಿಗಳನ್ನಾಗಿ ಮಾಡಬಹುದು ಆದರೆ ಯಾವುದೋ ಗ್ರಾಮ ಸಮೀತಿಯ ಅಧ್ಯಕ್ಷರು, ಮಾಜಿ-ಹಾಲಿ ಮುಂತಾದ ರಾಜಕಾರಣಿಗಳು ಸರ‍್ಕಾರದ ಆಚರಣೆಯ ವೇದಿಕೆ ಏರುವುದು ಸರಿಯೆ? ಇದರ ಹಿಂದಿರುವ ವ್ಯಕ್ತಿ-ಶಕ್ತಿಗಳ್ಯಾರು?

ಒಂದು ವೇಳೆ ಸಮಾಜದ ಎಲ್ಲಾ ಪ್ರಮುಖರನ್ನು ವೇದಿಕೆ ಏರಿಸುವುದೇ ಆಗಿದ್ದರೆ ನಮ್ಮವರೇ ಆದ ಕ.ಸಾ.ಪ. ತಾಲೂಕಾಧ್ಯಕ್ಷ ಚಂದ್ರಶೇಖರ್‌, ಮಾಧ್ಯಮ ಪ್ರತಿನಿಧಿಗಳ ಸಂಘದ ಅಧ್ಯಕ್ಷ ಹಿರಿಯ ಪತ್ರಕರ್ತ ಕನ್ನೇಶ್‌ ಕೋಲಸಶಿರ‍್ಸಿಯವರನ್ನು ಸೇರಿ ಅಲ್ಲಿದ್ದ ಅನೇಕ ಗಣ್ಯರು,ಗ್ರಾ .ಪಂ., ವಿ,ಎಸ್ಸ್.ಸ್.‌ ಅಧ್ಯಕ್ಷರುಗಳನ್ನೂ ಕರೆಯಬಹುದಿತ್ತು. ಎಲ್ಲರನ್ನೂ ಕರೆದರೆ ಬೆರಳೆಣಿಕೆಯ ಪ್ರೇಕ್ಷಕರ ಎದುರು ನೆರೆದ ಅರ‍್ಧಕ್ಕಿಂತ ಹೆಚ್ಚು ಜನರನ್ನು ವೇದಿಕೆ ಮೇಲೆ ಕೂರಿಸಬೇಕಾಗುತಿತ್ತು!
ರಾಜಕಾರಣಿಗಳನ್ನು ಕರೆಕರೆದು ವೇದಿಕೆ ಮೇಲೆ ಕುರ‍್ಚಿ ಕೊಡುತಿದ್ದ ಸಂಘಟಕರು ಭೌದ್ಧಿಕ ವಲಯದ ಶಿಕ್ಷಿತ ಪ್ರಮುಖರನ್ನು ಬಿಟ್ಟು ಮನಸೋಇಚ್ಛೆ ಕಾರ‍್ಯಕ್ರಮ ಮಾಡಿದವರಿಗೆ ಸಲಹೆ, ನಿರ‍್ಧೇಶನಮಾಡಿದರ‍್ಯಾರು? ಶಿಕ್ಷಣ, ಸಂಘಟನೆ, ಸ್ವಾಭಿಮಾನಗಳ ಜಾಗೃತಿ ಮಾಡಿದ ನಾರಾಯಣ ಗುರುಗಳ ಕಾರ್ಯಕ್ರಮದಲ್ಲಿ ಈ ಅಪಚಾರ ಸಾಧುವೆ? ಸನ್ಮಾನಿತರೆಲ್ಲರೂ ಅರ‍್ಹರೆ…. ಆದರೆ ಯಕ್ಷಗಾನ, ಕೃಷಿ ಸೇರಿದಂತೆ ಕೆಲವು ಕ್ಷೇತ್ರಗಳ ಸಾಧಕರಿಗೆ ಎಲ್ಲಾ ಕಡೆ ಸನ್ಮಾನ, ಗೌರವ ಸಿಗುತ್ತವೆ ಇಂಥವರ ಬದಲು ಸಾಮಾಜಿಕ, ರಾಜಕೀಯ, ಧಾರ‍್ಮಿಕ, ವೈಚಾರಿಕ ಭೌದ್ಧಿಕ ವಲಯದ ವ್ಯಕ್ತಿಗಳಿಗೆ ನಾರಾಯಣ ಗುರು ಜಯಂತಿಯಲ್ಲಿ ಗೌರವಿಸಿದ್ದರೆ ಅದಕ್ಕೆ ಅರ‍್ಧ ಬರುತಿತ್ತು. ಇನ್ನೂ ಪ್ರಶಸ್ತಿ… ಈ ಕಾಲದಲ್ಲಿ ಪ್ರಶಸ್ತಿಗಳ ಬಗ್ಗೆ ನಡೆಯುವ ಲಾಭಿ ನೋಡಿದರೆ ಪ್ರಶಸ್ತಿ ಪುರಸ್ಕೃತರನ್ನು ಕಣ್ಣು, ಮೂಗು ತೆರೆದು ನೋಡುವಂತಿಲ್ಲ. ಕೆಲವರೇ ಸೇರಿಕೊಂಡು ಅವರವರೇ ಪರಸ್ಪರ ಹೊಗಳಿಕೊಳ್ಳುವ ಗೌರವಿಸುವ ಕೆಲಸ ನಾರಾಯಣ ಗುರುಗಳ ಸಿದ್ಧಾಂತ-ತತ್ವಗಳಿಗೆ ವಿರುದ್ಧ ಇವುಗಳೆಲ್ಲಾ ಘಟಿಸುತಿದ್ದಾಗ ನೀವೂ ವೀಕ್ಷಕರಾಗಿದ್ದೀರಿ ನಿಮಗೇನನಸಿತೋ ಕಾಣೆ?!

ಸರ್ಕಾರಿ ಕಾರ್ಯಕ್ರಮದಲ್ಲಿ ಸಮೂದಾಯದ ಭವನದ ಚರ್ಚೆ ಅಗತ್ಯವಿತ್ತೆ? ಸಮೂದಾಯ ಭವನ ಇತ್ಯಾದಿ ಚರ್ಚೆಗೆ ನಮ್ಮ ಸಮೂದಾಯದ ಹೆಸರಿನಡಿ ಇರುವ ಅನೇಕ ಸ್ವತಂತ್ರ ಸಂಘಟನೆಗಳಿವೆ. ಸರ್ಕಾರಿ ನೌಕರರು ತಮ್ಮ ಅನುಕೂಲಕ್ಕೆ ಅಧಿಕಾರಸ್ಥರನ್ನು ಓಲೈಸುವುದು ಸರಿ ಆದರೆ ನಾರಾಯಣಗುರು ಜಯಂತೋತ್ಸವದಲ್ಲಿ ಯಾರದೋ ಓಲೈಕೆ, ವೇದಿಕೆ ಮೇಲೆ ವೈದಿಕತೆ ವಿಜೃಂಬಣೆ, ಸಮರ್ಥರ ಕಡೆಗಣನೆ ಸಹ್ಯವೆ? ಸರ್ಕಾರಿ ವ್ವವಸ್ಥೆ ಮತ್ತು ನೌಕರರ ಸಂಘಟನೆಗಳು ಈ ಹಿಂದೆ ಕ.ಸಾ.ಪ. ಅಧ್ಯಕ್ಷರು, ರಾಜಕಾರಣಿಗಳನ್ನು ವಿಜೃಂಬಿಸಿದ್ದನ್ನು ನೋಡಿದ್ದೇವೆ. ಯಾರದೋ ಮುಲಾಜಿಗೆ ಹೀಗೆಲ್ಲಾ ಆದರೆ ಅದು ವ್ಯವಸ್ಥೆ ಹಳಿ ತಪ್ಪುವ ಮುನ್ಸೂಚನೆ.

ಈ ಸಾರ‍್ವಜನಿಕ ಅಶಿಸ್ತಿನ ಬಗ್ಗೆ ನೀವು ಸಂಪಾದಕೀಯವನ್ನೇ ಬರೆಯಬಹುದು.
ಈ ಕಾರ‍್ಯಕ್ರಮ, ಇದೇ ಜಾಗದಲ್ಲಿ ನಡೆದ ಈಡಿಗ ಮಹಾಮಂಡಳಿ ಕಾರ‍್ಯಕ್ರಮ ಇವೆಲ್ಲಾ ನೋಡಿದರೆ ಕೆಲವರೇ ತಮ್ಮಂಥವರನ್ನೇ ವಿಜೃಂಬಿಸಲು ಮಾಡಿಕೊಳ್ಳುವ ಕಾರ‍್ಯಕ್ರ ಮಗಳೆನಿಸುತ್ತಿದೆ. ಕೆಲವರಂತೂ ಅಧಿಕಾರಿಗಳ ಬಳಿ ತಾವು ಹೇಳಿದವರೇ ಆಗಬೇಕು, ತಮ್ಮ ಆಪ್ತರೇ ಅತಿಥಿಗಳಾಗಬೇಕು ಎಂದು ಆದೇಶಿಸುವ ರೀತಿ ವ ರ‍್ತಿಸುತ್ತಾರೆ.ಸರ‍್ಕಾರಿ ಕಾರ‍್ಯಕ್ರಮದಲ್ಲಿ ಶಿಷ್ಟಾಚಾರ ಮರೆತು ಹೀಗೆಲ್ಲಾ ಅವಕಾಶ ಮಾಡುವುದು ಸರಿಯೆ? ಇದು ನಮ್ಮಂಥ ಅನೇಕರ ಅಭಿಪ್ರಾಯ ಇಂಥ ಕಾರ‍್ಯಕ್ರಮ ಆಯೋಜಕರ ಜೊತೆಗಿರುವವರು ಸಮಷ್ಠಿ ಮನಸ್ಥಿತಿಯವರಾಗಿದ್ದರೆ ಇವೆಲ್ಲಾ ತಪ್ಪುಗಳಾಗಲ್ಲ.. ನಮ್ಮ ಅಭಿಪ್ರಾಯವೇತಪ್ಪಿದ್ದರೆ ಕ್ಷಮೆ ಇರಲಿ. ಸೂಕ್ತವೆನಿಸಿದರೆ ಪ್ರಕಟಿಸಿ.
-ಇಂತಿ ತಮ್ಮ ಪ್ರೀತಿಯ ಸಮಾಜದ ಪ್ರತಿನಿಧಿ, ಪ್ರತ್ಯಕ್ಷದರ‍್ಶಿ (ಹೆಸರು ಪ್ರಕಟಿಸುವುದು ಬೇಡ)