ಬರ್ತ್‌ ಡೆ ಪಾರ್ಟಿ ಯಲ್ಲಿ ಚರ್ಚೆಯಾಯ್ತು ಕಮೀಷನ್‌,ಪಕ್ಷಪಾತ,ತಾರತಮ್ಯ!

ದೇಶದಲ್ಲಿ ಬಿ.ಜೆ.ಪಿ. ಆಡಳಿತಕ್ಕೆ ಬರುತ್ತಲೇ ಪ್ರಾರಂಭವಾದ ೪೦-೫೦-% ಕಮೀಷನ್‌ ವಿಚಾರ ಈಗ ಹಾದಿ-ಬೀದಿಗಳಲ್ಲಿ ಚರ್ಚೆಯ ವಿಷಯವಾಗಿದೆ.ಸಿದ್ಧಾಪುರ,ಶಿರಸಿಗಳಲ್ಲಿ ರಾಜ್ಯ ವಿಧಾನಸಭಾ ಅಧ್ಯಕ್ಷರ ಆಪ್ತರು,ಸಂಬಂಧಿಗಳು ಸಾರ್ವಜನಿಕ ಕಾಮಗಾರಿಗಳ ೪೦% ಕಮೀಷನ್‌ ಪಡೆದು ಕಳಪೆ ಕಾಮಗಾರಿ ಮಾಡುತಿದ್ದಾರೆ ಎನ್ನುವ ವಿಷಯ ಈಗ ಮುನ್ನೆಲೆಗೆ ಬಂದಿದೆ.

ರವಿವಾರ ನಗರದ ಲಯನ್ಸ್ ಬಾಲಭವನದಲ್ಲಿ ಬಿ.ಜೆ.ಪಿ. ಯುವಮೊರ್ಚಾ ಯುವ ಘಟಕದ ಮಾಜಿ ಅಧ್ಯಕ್ಷ ಹರೀಶ್‌ ಗೌಡರ್‌ ರ ಹುಟ್ಟುಹಬ್ಬದ ಕಾರ್ಯಕ್ರಮ ನಡೆಯಿತು. ಈ ಕಾರ್ಯಕ್ರಮದಲ್ಲಿ ಸೇರಿದ್ದ ಬಿ.ಜೆ.ಪಿ. ಬಂಡಾಯ ಕಾರ್ಯಕರ್ತರೆದುರು ಮಾತನಾಡಿದ ರೈತ ಸಂಘದ ಅಧ್ಯಕ್ಷ ವೀರಭದ್ರನಾಯ್ಕ ತಾಲೂಕು ಮತ್ತು ಕ್ಷೇತ್ರದಲ್ಲಿ ಸ್ವಜನ ಪಕ್ಷಪಾತ ಮೇರೆ ಮೀರಿದೆ. ಶಾಸಕರ ಜಾತಿಯ ಪ್ರಭಾವಿಗಳ ಮನೆಗೆ ಕೋಟ್ಯಾಂತರ ವೆಚ್ಚದಲ್ಲಿ ಕಾಂಕ್ರೀಟ್‌ ರಸ್ತೆ ನಿರ್ಮಿಸಿದ ಶಾಸಕರು ಬಡವರು, ಬಹುಸಂಖ್ಯಾತರಿರುವ ಹಳ್ಳಿಗಳಿಗೆ ಅನುದಾನವನ್ನೇ ಹಂಚಿಲ್ಲ ಇದು ಜಾತೀಯತೆ,ಸ್ವಜನಪಕ್ಷಪಾತವಲ್ಲವೆ? ಎಂದು ಪ್ರಶ್ನಿಸಿ

ಗುಂಜಗೋಡಿನಲ್ಲಿ ಬಿರುಕುಬಿಟ್ಟ ಸ್ವಜಾತಿಯವರ ಮನೆಗೆ ಸರ್ಕಾರದ ೫ ಲಕ್ಷ ರೂಪಾಯಿ ಪರಿಹಾರ ಮಂಜೂರು ಮಾಡುವ ಪಟ್ಟಭದ್ರರು ಅಕ್ಕುಂಜಿ,ಹೆಮ್ಮನಬೈಲ್‌ ಗಳಲ್ಲಿ ಮನೆ ಕಳೆದುಕೊಂಡ ಬಡವರಿಗೆ ೯೫ ಸಾವಿರ ಪರಿಹಾರ ನೀಡಿದ್ದಾರೆ.

ತಾರೇಸರದಲ್ಲಿ ಕುಡಿದು ಮೃತಪಟ್ಟ ಸ್ವಜಾತಿವರಿಗೆ ಒಂದು ದಿವಸದ ಒಳಗೆ ೫ ಲಕ್ಷ ರೂಪಾಯಿ ನೀಡುವ ಶಾಸಕರು ಇತರ ಜಾತಿಯ ಸಾವುಗಳಿಗೆ ಪರಿಹಾರ ನೀಡಿಲ್ಲ ಈ ತಾರತಮ್ಯದ ವಿರುದ್ಧ ತಾಲೂಕಿನ ಜನತೆ ಸಿಡಿದೇಳುತಿದ್ದು ಕಮೀಷನ್‌ ವ್ಯವಹಾರ ಬೆಳೆಸಿ, ಪಕ್ಷಪಾತ ಪೋಶಿಸಿ ತಾರತಮ್ಯ ಮಾಡುತ್ತಿರುವ ಶಾಸಕರು ತಮ್ಮ ಕರ್ಮಕ್ಕೆ ತಕ್ಕ ಪ್ರತಿಫಲ ಪಡೆಯುತ್ತಾರೆ ಎಂದರು.

ಇದೇ ಕಾರ್ಯಕ್ರಮದಲ್ಲಿ ಮಾತನಾಡಿದ ಕನ್ನಡ ಪರ ಸಂಘಟನೆಗಳ ಪ್ರತಿನಿಧಿ ಆಕಾಶ್‌ ಕೊಂಡ್ಲಿ ಶಾಸಕ ವಿಶ್ವೇಶ್ವರ ಹೆಗಡೆ ಕಾಗೇರಿ ಮತ್ತು ಅವರ ಬಿ.ಜೆ.ಪಿ. ಧರ್ಮದ ಹೆಸರಿನಲ್ಲಿ ಜಾತೀಯತೆ ಮಾಡುತ್ತಿದೆ. ಬಡವರು, ಬಹುಸಂಖ್ಯಾತರ ವಿರುದ್ಧ ಇರುವ ಈ ಸಮಯಸಾಧಕರಿಗೆ ಚುನಾವಣೆಯಲ್ಲಿ ಉತ್ತರ ನೀಡಬೇಕು. ಪಕ್ಷದ ಮುಖಂಡರು ಕಾರ್ಯಕರ್ತರನ್ನು ನಿರ್ಲಕ್ಷಿಸಿ ಕೆಲವು ಗುತ್ತಿಗೆದಾರರ ಕೂಟ ನಿರ್ಮಿಸಿಕೊಂಡಿರುವ ಕಾಗೇರಿ ಆ ವಂಧಿಮಾಗಧರಿಂದಲೇ ಸೋಲು ಕಾಣುತ್ತಾರೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.

ವ್ಯವಸ್ಥೆಯ ದೋಶಗಳ ಬಗ್ಗೆ ಮಾತನಾಡಿದ ಪತ್ರಕರ್ತ ಕನ್ನೇಶ್‌ ಕೋಲಶಿರ್ಸಿ ಮತ್ತು ಉದ್ಯಮಿ ಉಪೇಂದ್ರ ಪೈ ಶಾಸಕ ಕಾಗೇರಿಯವರ ಹೆಸರು ಹೇಳದೆ ಕೆಲವು ಜ್ವಲಂತ ವಿಷಯಗಳನ್ನು ಪ್ರಸ್ಥಾಪಿಸಿದರು. ಹುಟ್ಟುಹಬ್ಬದ ನಿಮಿತ್ತ ಏರ್ಪಡಿಸಿದ ಸನ್ಮಾನ ಮತ್ತು ಔತಣಕೂಟದಲ್ಲಿ ನೂರಾರು ಜನರು ಪಾಲ್ಗೊಂಡು ಸಂಬ್ರಮಿಸಿದರು.