ಆತ ಅಸಾಮಾನ್ಯ… ಆದರೆ ತಾನೇ ದೇವ ಮಾನವ ಎನ್ನಲಾರ…ಈ ಛಲದಂಕಮಲ್ಲನಿಗೆ ಜಯವಾಗಲಿ…

ವಿಶ್ವದ ದೊಡ್ಡ ಪ್ರಜಾಪ್ರಭುತ್ವ ರಾಷ್ಟ್ರ ಒಂದರ ರಾಜಮನೆತನದಂಥ ಶ್ರೀಮಂತ ಕುಟುಂಬದಲ್ಲಿ ಹುಟ್ಟಿದ ರಾಜಪುತ್ರನೀತ. ಈತನಿಗೆ ಕರಾಟೆ, ವಿದೇಶಿ ಪ್ರಯಾಣ, ವಿಮಾನ ಚಾಲನೆ, ವಿಮಾನಯಾನ ಎಲ್ಲವೂ ಸಲೀಸು, ಆದರೆ ಈತ ಜನಸಾಮಾನ್ಯನಲ್ಲಿ ಅತಿ ಸಾಮಾನ್ಯನಾಗಿ ಜನರೊಂದಿಗೆ ಬೆರೆಯುತ್ತಾನೆ. ಬುಡಕಟ್ಟುಗಳು, ದುರ್ಬಲ ವರ್ಗದ ಜನರ ಹಣೆಯ ಬೆವರು ಒರೆಸುತ್ತಾನೆ.

ಈತನ ಅಜ್ಜಿ, ಅಪ್ಪ ದುರಂತ ಸಾವು ಕಂಡರೂ ಈತ ನಾನು ಈ ದೇಶಕ್ಕೆ ಸಮರ್ಪಿತ ಎನ್ನುತ್ತಾನೆ. ಕುಲೀನ ಕುಟುಂಬದ ಕೋಮಲ ಕುಡಿಯಾದ ಈತ ಪಾದಯಾತ್ರೆಯ ಮೂಲಕ ದೇಶ ಪರ್ಯಟನೆ ಮಾಡುತ್ತಾನೆ, ಮಣಿಪುರ, ಜಮ್ಮು-ಕಾಶ್ಮೀರ ದೇಶದ ಉದ್ದಗಲಕ್ಕೂ ಪ್ರಧಾನಿ ಸರ್ಕಾರಿ ಕರ್ಚಿನಲ್ಲಿ ಪ್ರಯಾಣಿಸುವ ಮೊದಲು ಅಲ್ಲಿ ಹಾಜರಿರುತ್ತಾನೆ. ಈತನ ಚುರುಕುತನ, ಹೋರಾಟ ಫಲನೀಡಬಾರದೆಂದು ಈತನ ವಿರುದ್ಧ ಅಪಪ್ರಚಾರಕ್ಕೆ ದೊಡ್ಡ ಜನಸಂಖ್ಯೆಯದೇಶದ ಪ್ರಧಾನಿ ಮತ್ತವರ ಜಗತ್ತಿನ ದೊಡ್ಡ ಪಕ್ಷ ಸಾವಿರಾರು ಕೋಟಿ ವ್ಯಯಿಸುತ್ತದೆ!. ಈ ಅಸಾಮಾನ್ಯ ಮನುಷ್ಯ ದೊಡ್ಡಉದ್ಯಮಿಗಳು, ಪಟ್ಟಭದ್ರರ ಪರಿವಾರದ ಪರವಾಗಿದ್ದರೆ ವ್ಯವಸ್ಥೆ ಈತನನ್ನು ಇಂದ್ರ-ಚಂದ್ರ ಎಂದು ಬಣ್ಣಿಸಿ ಹಾಡಿ ಹೊಗಳುತಿತ್ತು ಆದರೆ ಈತ ಹಾರ ತುರಾಯಿಗೆ ತಲೆಬಾಗದೆ ಸಂವಿಧಾನದ ಪುಸ್ತಕ ಹಿಡಿದು ನಡೆಯುತ್ತಾನೆ.. ಸಂವಿಧಾನ ರಕ್ಷಿಸಿ, ಪ್ರಜಾಪ್ರಭುತ್ವ ಉಳಿಸಿ ಎನ್ನುತ್ತಾನೆ.

ಈತನ ವಿರೋಧಿಗಳು ಅಜ್ಜನ ವಿಷಯದಲ್ಲಿ, ಕುಟುಂಬದ ವಿಷಯದಲ್ಲಿ, ದೇಶಕಟ್ಟಿದ ಚಾರಿತ್ರಿಕ ಪಕ್ಷದ ವಿಚಾರದಲ್ಲಿ ಹೀಗಳಿಯುತ್ತಾರೆ ಅದಕ್ಕೆ ಪ್ರತಿಯಾಗಿ ಬನ್ನಿ ಪ್ರೀತಿಯ ಅಂಗಡಿ ತೆರೆಯೋಣ, ಧರ್ಮ, ಕೋಮುವಾದಿ ಮನಸ್ಥಿತಿಯಿಂದ ದೇಶಕ್ಕಾಗುತ್ತಿರುವ ತೊಂದರೆ ತಡೆಯೋಣ ಎನ್ನುತ್ತಾನೆ. ಈ ಸಿಡಿಲ ಮರಿಯ ವಿರೋಧಿ ಗುಂಪು ತಂತ್ರ-ಮಂತ್ರ- ಷಡ್ಯಂತ್ರಗಳ ಮೂಲಕ ಇತನ ಗೆಲುವು ತಡೆಯುತ್ತಾರೆ, ಈತನ ಹೆಸರಿಗೆ, ಚಿತ್ರಕ್ಕೆ ಮಸಿ ಬಳಿಯುತ್ತಾರೆ. ಈತ ದ್ವೇಶದ ಜನರ ವಿರುದ್ಧ ಭಾರತ ಜೋಡಿಸುತ್ತೇನೆ, ಭಾರತದ ಜನರನ್ನು ಕೂಡಿಸುತ್ತೇನೆ ಎನ್ನುತ್ತಾನೆ. ಈ ಪ್ರೀತಿಯ ರಾಯಭಾರಿಗೆ ಇಂದು ಹುಟ್ಟುಹಬ್ಬ, ಭಾರತದಂಥ ಬಹುತ್ವದ ನಾಡನ್ನು ಕೋಮುವಾದಿಗಳ ಅಂಗಳ ಮಾಡಲು ಬಿಡದ ಛಲದಂಕ ಮಲ್ಲ, ಹೋರಾಟಗಾರ ಭಾರತದ ಭರವಸೆ ಈ ಸಮಚಿತ್ತದ ನಾಯಕನಿಗೆ ಹುಟ್ಟುಹಬ್ಬದ ಶುಭಾಶಯಗಳು… ರಾಹುಲ್‌ ಜಿ. ಭವ್ಯ ಭಾರತ ನಿಮ್ಮೊಂದಿಗಿದೆ ಮುನ್ನುಗ್ಗಿ….ಜಯವಾಗಲಿ.