ನನ್ನವ್ವ-ನನ್ನಮಗಳು
ಧೋಗುಡುವ ಶ್ರಾವಣದ ಮಳೆ
ಮನೆ ಮುಂದಿನ ಮೊಣಕಾಲಿನ ನೀರಲಿ
ಕುಪ್ಪೆ ಹಾರುತ್ತಿರುವ ಮಗಳು ಕಾಲು ಕೆಸರು
ಚುರುಕು ಕಾಲಿನ ಮಗಳ ಜತೆ ನೆನಪಾಗಿ
ಬಂದವಳು ಅಮ್ಮ
ಹೀಗೆಯೇ ಚುರುಕು ಆಕೆ
ಕಂಬಳಿಕೊಪ್ಪೆಯ ಹೊದ್ದು ಮೊಣಕಾಲಿನ ಮೇಲೆಕಟ್ಟಿದ ಸೀರೆ
ಕೆಸರಿನಲ್ಲಿ ಎತ್ತಲಾಗದ ಕಾಲನ್ನು ಎತ್ತಿಡುತ್ತ
ನೀರನ್ನು ಚಿಮ್ಮುತ್ತ ಸಸಿ ನೆಡುತ್ತ
ನಡೆಯುವ ನನ್ನವ್ವ ಕುಂಟೆಬಿಲ್ಲೆ ಚಿಮ್ಮವ ಬಾಲೆಯಾಗುತ್ತಾಳೆ.
ಇವಳ ಚುರುಕು ನೋಡಿ ಪುಟಬಾಲ್
ಆಟಗಾರರೂ ನಾಚಬೇಕು
ನನ್ನಪ್ಪನ ಸಿಟ್ಟು ಸೆಡವುಗಳ ನಡುವೆ
ಕೈ ಊರದೇ ಹೊಯ್‍ಗೆ ಗದ್ದೆಯಲ್ಲಿ ಸಸಿನೆಟ್ಟು ಮುಗಿಯುವುದರೊಳಗೆ ಕೈಕಾಲುಗಳಲ್ಲಿ
ಎರೆ ಮಣ್ಣು ತಿಂದು ಚಿತ್ರ-ವಿಚಿತ್ರ ಚಿತ್ತಾರ. .
ರಾತ್ರಿಯಿಡೀ ನಿದ್ದೆ ಬಾರದ ಅಮ್ಮನ
ದನಿಯಲಿ ಸಣ್ಣನೆಯ ನರಳಾಟ
ಗದ್ದೆಯಲಿ ಅಪ್ಪನಿಗೆ ಸರಿಸಮನಾಗಿ ದುಡಿದು
ದನಕರುಗಳಿಗೆ ಹಸಿರುಹುಲ್ಲು ಕೊಯ್ದು… ನಮಗಾಗಿ
ಕಳಲೆ, ಅಣಬೆ, ಏಡಿ, ಮೀನು; ಕೆಸುವಿನ ಸೊಪ್ಪು ತಂದು
ಬಡಿಸುತ್ತಿದ್ದವು ಅವ್ವನ ದಣಿವರಿಯದ ಚಿತ್ತಾರದ ಕೈಗಳು
ನಗರದ ಕಾಂಕ್ರೆಟ್ ಕಾಡಿನಲ್ಲಿ ಕಳಲೆ ಅಣಬೆ ಕೆಸುವಿನ ಸೊಪ್ಪು ಏಡಿ ಮೀನುಗಳನ್ನು ಅರಸಿ ಆರಿಸಿ ತಿನ್ನವಾಗ
ಒಗರಾಗಿ ರುಚಿಯಾಗಿ ಊಟದ ತಟ್ಟೆಯ
ಜತೆ ಅಮ್ಮ ಆಗಾಗ ಹಸಿರು
ಈಗ ನನ್ನ ಮಗಳು ಮಳೆಯಲ್ಲಿ ತೊಯ್ದು ತೊಪ್ಪೆಯಾಗಿಕೆಸರಲಿ ದಣಿವರಿಯದೇ.
.ಆಟವಾಡಿ. .ಬಂದವಳಿಗೆಸ್ನಾನ ಮಾಡಿಸಿ ಮೈ ಒರೆಸಿ ನೋಡುತ್ತೇನೆ..ಉಗುರು ..ಕಾಲುಗಳ ಬಾತಿನಲ್ಲಿ
ಅಲ್ಲಲ್ಲಿ ಎರೆಹುಳುಗಳು ಚಿತ್ತಾರ ಬಿಡಿಸಿವೆ.
*ಎಂ.ಎಚ್. ನಾಯ್ಕ ಕಾನಗೋಡ್
9886253409
_______________________________________________________________
ಮಾನ್ಯರೆ, ನಮ್ಮ ಮಾಧ್ಯಮ ಕ್ಷೇತ್ರದ ಸಮಾಜಮುಖಿ ನಡೆ ಈಗ ಕಾಲು ಶತಮಾನ ದಾಟಿದೆ. ಈ ಪಯಣದಲ್ಲಿ samajamukhi.net ನ್ಯೂಸ್ ಪೋರ್ಟಲ್ samaajamukhi & samajamukhinews ಯೂಟ್ಯೂಬ್ ಚಾನೆಲ್ ಗಳು ಹಾಗೂ ಸಮಾಜಮುಖಿ & samaajamukhi.net ಫೇಸ್ಬುಕ್ ಪೇಜ್ ಗಳು ಸೇರಿವೆ. ಈ ಎಲ್ಲಾ ಘಟಕಗಳ ನಿರ್ವಹಣೆ & ನಿರಂತರತೆಗೆ ನಿಮ್ಮ ಸಹಕಾರ ಮುಖ್ಯ. ನಮ್ಮ ಸುದ್ದಿ, ವಿಡಿಯೋ, ಸ್ಟೋರಿ ಗಳನ್ನು like, share ಹಾಗೂ subscribe ಮಾಡಿ ಸಹಕರಿಸುತ್ತಾ ನಮ್ಮ ಈ ಮಾಧ್ಯಮ ಸಮೂಹದ ಸಿದ್ಧಾಪುರ ಕೆನರಾ ಬ್ಯಾಂಕ್ ಖಾತೆ samajamukhi 03082200081658 ಅಕೌಂಟ್‌ಗೆ ಮತ್ತು ನಮ್ಮ gpay & phone pay Acc No 9740598884 ಗೆ ಆರ್ಥಿಕ ನೆರವು ನೀಡುತ್ತಾ ನಮ್ಮ ಜೊತೆಯಾಗಲು ಕಳಕಳಿಯ ವಿನಂತಿ…….. ಇಂತಿ ನಿಮ್ಮ Kannesh Kolsirsi
_______________________________________________________________
