ಭೂಮಿ ತೂಕದ ಹೆಣ್ಣೇ ನಾನೇನು ಹೇಳಲಿ ಸಾಕ್ಷಿ ನುಡಿಯುತ್ತಿದೆ ನೋಡಲ್ಲಿ ಅಂಬರ/ ನೀ ಅದೆಷ್ಟು ವಿಶಾಲ ಗಹಗಹಿಸಿ ನಗುತ್ತಿದೆ ಹಂಗಿನರಮನೆಯಲ್ಲಿ ಉಬ್ಬಸದಬ್ಬರ//ವಿರಹದ ಬೇಗೆಗೆ ತತ್ತರಿಸುವ ಬೆವರ ನೆರಿಗೆ ತಾಳದೆ ಒಳ ಒತ್ತಡ ಒತ್ತರಿಸಿ ಸೆಕೆ/ ಮಟಮಟ ಮಧ್ಯಾಹ್ನ ಸಂತೆಯ ಬೀದಿಯಲ್ಲಿ ಒಬ್ಬಂಟಿ ಪ್ರೇಮಿ ಕಣ್ಣಂಚಲ್ಲಿ ದಿಗಂಬರ//ಮಿಂಚುವ ಬೆಳಕಲ್ಲಿ ಹಬ್ಬುವ ಕಾವು ಮಂಕಾಗಿಸಿ ಮಂದ ನಾನು ಪ್ರತಿಫಲಿಸಿ ನಿನ್ನದೇ ಬಿಂಬ/ ಕಿವಿ ಕಿತ್ತೊಗುವ ಚೀರಾಟ ನನ್ನೊಳಗೆ ಆ ಕ್ಷಣದ ನಟ್ಟನಡುವೆಯೂ ನೀನಲ್ಲಿ ಶ್ವೇತಾಂಬರ//ಏಣಿ ಹಾಕಲಾದೀತೆ ಉರುಳಿರುಳಿ ಮತ್ತೆ ತಿರುಗಿ ಬೀಳುವ ಸಂಜೆ ನೀ ಬಲು ಎತ್ತರೆತ್ತರ/ ಬದುಕಿನ ಬಯಕೆ ಬಹು ದೊಡ್ಡ ಆಸರೆಗೆ ತೂತು ಮನದ ಮಾಳಿಗೆಯಲ್ಲಿ ಮಳೆಯಬ್ಬರ//ಬಣ್ಣ ತುಂಬಿದವರಾರೋ ನಿನಗೆ ನೀ ರಂಗು ಪಡೆಯಲು ನಾನೇ ಆಗಬೇಕೇ ಆವಿ/ ಭೋರ್ಗೆರವ ದುಃಖ ರಭಸದಿ ಬಡಿದಪ್ಪಳಿಸಿ ಹಿಮ್ಮೆಟ್ಟುವ ಭಾವಗಳಲ್ಲಿ ಕಡಲುಬ್ಬರ//ನೀ ಬಿಡು ಚೆಲ್ಲಿದರೂ ಬೆಳದಿಂಗಳು ಕೋರೈಸುವೆ ತಾರೆಯರ ಸಂಗಡ ತಂದು ನಗುಮೊಗ/ ಅಲ್ಲೇ ಸುತ್ತ ನಿರ್ಮಿತ ಕಪ್ಪು ಕಗ್ಗತ್ತಲೆ ಜವಾಬಿಗೆ ನಕ್ಕಾನು ಚಂದ್ರ ಕಂಡಲ್ಲಿ ನಮ್ಮಿಬ್ಬರ//ಸಂಧಿಸಿ ಮೋಡಗಳೆರಡು ಮಿಡಿತಗಳ ತಾಗಿ ಘರ್ಷಿಸಿದವು ಆಗದೆ ಒಮ್ಮತದೊಲವು/ ಸಿಕ್ಕಸಿಕ್ಕಲ್ಲಿ ನುಚ್ಚುನೂರಾಗಿ ಅದುರಿ ಆಕ್ರಂದನ ಶೇಷ ನರನಾಡಿಯಲ್ಲಿ ನಿರಾಡಂಬರ//#ಬಸವರಾಜ_ಕಾಸೆReplyForward |
_______________________________________________________________
ಮಾನ್ಯರೆ, ನಮ್ಮ ಮಾಧ್ಯಮ ಕ್ಷೇತ್ರದ ಸಮಾಜಮುಖಿ ನಡೆ ಈಗ ಕಾಲು ಶತಮಾನ ದಾಟಿದೆ. ಈ ಪಯಣದಲ್ಲಿ samajamukhi.net ನ್ಯೂಸ್ ಪೋರ್ಟಲ್ samaajamukhi & samajamukhinews ಯೂಟ್ಯೂಬ್ ಚಾನೆಲ್ ಗಳು ಹಾಗೂ ಸಮಾಜಮುಖಿ & samaajamukhi.net ಫೇಸ್ಬುಕ್ ಪೇಜ್ ಗಳು ಸೇರಿವೆ. ಈ ಎಲ್ಲಾ ಘಟಕಗಳ ನಿರ್ವಹಣೆ & ನಿರಂತರತೆಗೆ ನಿಮ್ಮ ಸಹಕಾರ ಮುಖ್ಯ. ನಮ್ಮ ಸುದ್ದಿ, ವಿಡಿಯೋ, ಸ್ಟೋರಿ ಗಳನ್ನು like, share ಹಾಗೂ subscribe ಮಾಡಿ ಸಹಕರಿಸುತ್ತಾ ನಮ್ಮ ಈ ಮಾಧ್ಯಮ ಸಮೂಹದ ಸಿದ್ಧಾಪುರ ಕೆನರಾ ಬ್ಯಾಂಕ್ ಖಾತೆ samajamukhi 03082200081658 ಅಕೌಂಟ್‌ಗೆ ಮತ್ತು ನಮ್ಮ gpay & phone pay Acc No 9740598884 ಗೆ ಆರ್ಥಿಕ ನೆರವು ನೀಡುತ್ತಾ ನಮ್ಮ ಜೊತೆಯಾಗಲು ಕಳಕಳಿಯ ವಿನಂತಿ…….. ಇಂತಿ ನಿಮ್ಮ Kannesh Kolsirsi
_______________________________________________________________
