ಶೀರಲಗದ್ದೆ ಜಲಪಾತದ ರಸ್ತೆಗೆ 4ಲಕ್ಷ, ಅರೆಹಳ್ಳ ಮತ್ತು ಹಕ್ಕಲಮನೆ ರಸ್ತೆಗಳಿಗೆ ಅನುದಾನ ಮಂಜೂರಿ
ಸಿದ್ಧಾಪುರ ತಾಲೂಕಿನ ಶೀರಲಗದ್ದೆ ಜಲಪಾತದ ರಸ್ತೆಗೆ ಶಾಸಕರ ನಿಧಿಯಿಂದ ನಾಲ್ಕು ಲಕ್ಷ ರೂಪಾಯಿ ಮತ್ತು ಗವಿನಸರ, ಹಕ್ಕಲಮನೆ ಹಾಗೂ ಅರೆಹಳ್ಳ ರಸ್ತೆಗಳಿಗೆ ಅನುದಾನ ನೀಡಬೇಕೆಂದು ತಾ.ಪಂ.ಸ್ಥಾಯಿ ಸಮೀತಿ ಅಧ್ಯಕ್ಷ ಮಹಾಬಲೇಶ್ವರ ಹೆಗಡೆ ಸಂಬಂಧಿಸಿದವರಿಗೆ ಮನವಿ ಮಾಡಿರುವ ವರ್ತಮಾನ ಸಮಾಜಮುಖಿ ಪ್ರತಿನಿಧಿಗೆ ದೊರೆತಿದೆ.
ಸಮಾಜಮುಖಿ ಪತ್ರಿಕೆ ಮತ್ತು ಸುದ್ದಿಪೋರ್ಟಲ್ ನಲ್ಲಿ ತಾಲೂಕಿನ ತ್ಯಾಗಲಿ ಶೀರಲಗುಂಡಿ ಜಲಪಾತದ
ರಸ್ತೆ ಅವ್ಯವಸ್ಥೆ ಬಗ್ಗೆ ಬರೆದು ಗಮನ ಸೆಳೆದಿತ್ತು.
ಸಮಾಜಮುಖಿ ವರದಿಗಳ ನಂತರ ಸಿದ್ಧಾಪುರದ ಮಾಧ್ಯಮ ಪ್ರತಿನಿಧಿಗಳು ಈ ಜಲಪಾತ ಮತ್ತು ಶಿವರಾತ್ರಿಗುಂಡಿಗೆ ಹೋಗುವ ರಸ್ತೆಗಳ ದುವ್ರ್ಯವಸ್ಥೆಗಳ ಬಗ್ಗೆ ವರದಿ ಮಾಡಿದ್ದರು. ಈ ವರದಿಗಳ ನಂತರ ಶಾಸಕರ ಅನುದಾನದಲ್ಲಿ 4 ಲಕ್ಷ ರೂಪಾಯಿಗಳನ್ನು ಮಂಜೂರುಮಾಡಲು ಶಾಸಕರು ಅನುಮತಿ ನೀಡಿರುವುದಾಗಿ ಮಹಾಬಲೇಶ್ವರ ಹೆಗಡೆ ತಿಳಿಸಿದ್ದಾರೆ.
ಸಮಾಜಮುಖಿ ಪ್ರತಿನಿಧಿಯೊಂದಿಗೆ ಮಾತನಾಡಿದ ಅವರು ಸಮಾಜಮುಖಿಯಲ್ಲಿ ಶೀರಲಗುಂಡಿ ಜಲಪಾತ, ಅರೆಹಳ್ಳದ ರಸ್ತೆ, ಗವಿನಸರದ ಸಂಪರ್ಕ ರಸ್ತೆ, ಹಕ್ಕಲಮನೆ-ಕಿಲಾರ ರಸ್ತೆಗಳ ಬಗ್ಗೆ ಪ್ರಕಟವಾದ ವರದಿಗಳನ್ನು ಗಮನಿಸಿದ್ದೇನೆ. ಅರೆಹಳ್ಳ ದೇವಿಸರ ರಸ್ತೆಗೆ ಸಂಸದರ ಅನುದಾನ ಮಂಜೂರಿಯಾಗಿತ್ತು. ಆದರೆ ತಾಂತ್ರಿಕ ಸಮಸ್ಯೆಯಿಂದ ಆ ಕಾಮಗಾರಿ ನಡೆದಿಲ್ಲ.
ಹಕ್ಕಲಮನೆ-ಕಿಲಾರ, ಗವಿನಗುಡ್ಡ ರಸ್ತೆ ಕುಸಿದು ಸಂಪರ್ಕಕ್ಕೆ ತೊಂದರೆಯಾಗಿರುವ ಮಾಹಿತಿ ಇದೆ. ಅಲ್ಲಿ ಗ್ರಾಮ ಪಂಚಾಯತ್ ನಿಂದ ಅನುದಾನ ನೀಡಲಾಗಿದೆ. ಅನಿವಾರ್ಯವಾದರೆ ಆ ಸಂಪರ್ಕ ರಸ್ತೆಗೆ ಬೇರೆ ಅನುದಾನಕ್ಕೆ ಪ್ರಯತ್ನಿಸುತ್ತೇವೆ. ಗವಿನಸರ ದುರ್ಗಮ ಪ್ರದೇಶವಾಗಿದ್ದು ಅಲ್ಲಿ ಕೂಡಾ ಪಂಚಾಯತ್ ಮಿತಿ ಅನುದಾನ ಲಭ್ಯತೆ ಆಧಾರದಲ್ಲಿ ಪರಿಗಣಿಸುತ್ತೇವೆ.
ಗವಿನಸರದಲ್ಲಿ ಬೇಸಿಗೆಯಲ್ಲಿ ಕುಡಿಯುವ ನೀರು ಪೂರೈಸಲಾಗಿತ್ತು, ರಸ್ತೆ, ನೀರು ಸೇರಿದಂತೆ ಅನಿವಾರ್ಯ ಮೂಲಭೂತ ಅಗತ್ಯಗಳನ್ನು ಪೂರೈಸಲು ನಾವು ಸಿದ್ಧರಿದ್ದೇವೆ ಎಂದಿದ್ದಾರೆ.
ಆನವಟ್ಟಿ ಸೇರ್ಪಡೆ ಬೇಡ,ಬನವಾಸಿ ತಾಲೂಕು ಬೇಕು
ಶಿರಸಿ ಬನವಾಸಿ ಹೋಬಳಿಯನ್ನು ಯೋಜಿತ ಆನವಟ್ಟಿ ತಾಲೂಕಿಗೆ ಸೇರಿಸುವ ಪ್ರಸ್ಥಾಪ ಕೈ ಬಿಡಬೇಕು ಮತ್ತು ಬನವಾಸಿ ಪ್ರತ್ಯೇಕ ತಾಲೂಕು ರಚನೆ ಮಾಡಬೇಕು ಎಂದು ಆಗ್ರಹಿಹಿಸಲು ಇಂದು ಸ್ಥಳಿಯರು ಬನವಾಸಿ ಬಂದ್ ಮೂಲಕ ಪ್ರತಿಭಟನೆ ನಡೆಸಿದರು.
_______________________________________________________________
ಮಾನ್ಯರೆ, ನಮ್ಮ ಮಾಧ್ಯಮ ಕ್ಷೇತ್ರದ ಸಮಾಜಮುಖಿ ನಡೆ ಈಗ ಕಾಲು ಶತಮಾನ ದಾಟಿದೆ. ಈ ಪಯಣದಲ್ಲಿ samajamukhi.net ನ್ಯೂಸ್ ಪೋರ್ಟಲ್ samaajamukhi & samajamukhinews ಯೂಟ್ಯೂಬ್ ಚಾನೆಲ್ ಗಳು ಹಾಗೂ ಸಮಾಜಮುಖಿ & samaajamukhi.net ಫೇಸ್ಬುಕ್ ಪೇಜ್ ಗಳು ಸೇರಿವೆ. ಈ ಎಲ್ಲಾ ಘಟಕಗಳ ನಿರ್ವಹಣೆ & ನಿರಂತರತೆಗೆ ನಿಮ್ಮ ಸಹಕಾರ ಮುಖ್ಯ. ನಮ್ಮ ಸುದ್ದಿ, ವಿಡಿಯೋ, ಸ್ಟೋರಿ ಗಳನ್ನು like, share ಹಾಗೂ subscribe ಮಾಡಿ ಸಹಕರಿಸುತ್ತಾ ನಮ್ಮ ಈ ಮಾಧ್ಯಮ ಸಮೂಹದ ಸಿದ್ಧಾಪುರ ಕೆನರಾ ಬ್ಯಾಂಕ್ ಖಾತೆ samajamukhi 03082200081658 ಅಕೌಂಟ್ಗೆ ಮತ್ತು ನಮ್ಮ gpay & phone pay Acc No 9740598884 ಗೆ ಆರ್ಥಿಕ ನೆರವು ನೀಡುತ್ತಾ ನಮ್ಮ ಜೊತೆಯಾಗಲು ಕಳಕಳಿಯ ವಿನಂತಿ…….. ಇಂತಿ ನಿಮ್ಮ Kannesh Kolsirsi
_______________________________________________________________
