ಸಿದ್ದಾಪುರಕ್ಕೆ ಸಮೀಪದ ಸಾಗರ ತಾಲೂಕಿನ ಕಣಸೆಯ ವೀರಭದ್ರ ದೇವಸ್ಥಾನದ ಲೋಕಾರ್ಪಣೆ ಅಂಗವಾಗಿ ನಾಲ್ಕು ದಿನಗಳ ಕಾರ್ಯಕ್ರಮ ನಡೆಯಲಿದೆ. ನವೆಂಬರ್‌ ೯ ರಿಂದ ೧೨ ರ ವರೆಗೆ ನಡೆಯುವ ಧಾರ್ಮಿಕ ಕಾರ್ಯಕ್ರಮದ ಅಂಗವಾಗಿ ಕೊನೆಯ ೧೨-೧೧ ರ ಮಂಗಳವಾರ ಮಧ್ಯಾನ್ಹ ೧೨ ಗಂಟೆಗೆ ಧರ್ಮಸಭೆ ನಡೆಯಲಿದೆ.
ಈ ಧರ್ಮಸಭೆಗೆ ಕನ್ಯಾಡಿ ಶ್ರೀರಾಮ ಕ್ಷೇತ್ರದ ಬ್ರಹ್ಮಾನಂದ ಸರಸ್ವತಿ ಸ್ವಾಮೀಜಿ, ಜಡೆ ಅಮರೇಶ್ವರ ಶಿವಾಚಾರ್ಯ ಸ್ವಾಮೀಜಿ ಹಾಗೂ ಸಿಗಂದೂರು ರಾಮಪ್ಪ ದಿವ್ಯ ಸಾನಿಧ್ಯ ವಹಿಸಲಿದ್ದು ಕಾಗೋಡು ತಿಮ್ಮಪ್ಪ, ಮಧುಬಂಗಾರಪ್ಪ,ಬಿ.ವೈ ರಾಘವೇಂದ್ರ, ಭೀಮಣ್ಣ ನಾಯ್ಕ ಹಾಗೂ ಬೇಳೂರು ಗೋಪಾಲಕೃಷ್ಣ ಮುಖ್ಯ ಅತಿಥಿಗಳಾಗಿ ಪಾಲ್ಗೊಳ್ಳಲಿದ್ದಾರೆ. ಇದೇ ದಿನ ಸಾರ್ವತ್ರಿಕ ಅನ್ನಸಂತರ್ಪಣೆ ಜೊತೆಗೆ ರಾತ್ರಿ ಭಕ್ತಸುಧನ್ವ ಚಂದ್ರಾವಳಿ ವಿಲಾಸ ಯಕ್ಷಪ್ರದರ್ಶನ ನಡೆಯಲಿದೆ. ನಾಲ್ಕು ದಿವಸಗಳ ಈ ಕಾರ್ಯಕ್ರಮಗಳಲ್ಲಿ ಪಾಲ್ಗೊಳ್ಳಲು ಕಣಸೆ ಗ್ರಾಮಸ್ಥರ ಪರವಾಗಿ ವೀರಭದ್ರ ದೇವಸ್ಥಾನ ಆಡಳಿತ ಸಮೀತಿ ಅಧ್ಯಕ್ಷ ಕೆ.ಜಿ.ನಾಗರಾಜ್‌ ಕೋರಿದ್ದಾರೆ.
