ಸಂತೋಷ್‌ ಆತ್ಮಹತ್ಯೆ ಪ್ರಕರಣ….. ತಮಿಳುನಾಡಿನಲ್ಲಿ ಆರೋಪಿಗಳ ಸೆರೆ!

ಒಂದು ಲವ್‌ ಪ್ರಕರಣ, ಪತ್ತೆದಾರಿ ರಕ್ಷಕನನ್ನಾಗಿ ಮಾಡಿ ನಂತರ ಆ ಪತ್ತೆಧಾರಿಯೇ ಹಣದ ಹಿಂದೆ ಬಿದ್ದು ತನಗೆ ಮೋಸ ಮಾಡಿದ ಪ್ರೇಯಸಿಗಾಗಿ ಪ್ರಾಣ ಕೊಡುವ ಮಟ್ಟಿಗೆ ರೂಪಾಂತರ ಹೊಂದಿದ ಪ್ರೇಮ ಪ್ರಕರಣತ್ರಿಕೋನ ಸ್ವರೂಪ ಪಡೆದು ಅಂತಿಮವಾಗಿ ದುರಂತದೆಡೆಗೆ ಸಾಗಿದ ಸಿನೆಮಾ ಕಥೆಯಂತಿದೆ!

ಸೊರಬಾ ಚಿಕ್ಕ ತೌಡತ್ತಿಯ ಸಂತೋಷ್‌ ನಾಯ್ಕ ಆತ್ಮಹತ್ಯೆ ಪ್ರಕರಣದ ಸೆಕ್ಸ್‌ ಜಾಲದ ಸಾಧ್ಯತೆ ಹಿನ್ನೆಲೆಯಲ್ಲಿ ಪೊಲೀಸರ ತನಿಖೆ ಮುಂದುವರಿದಿದೆ.

ಇತ್ತ ಸಿದ್ದಾಪುರ ಠಾಣೆಯಲ್ಲಿ ಯಲ್ಲಾಪುರ, ಶಿರಸಿ ಪೊಲೀಸರು ಶೋಧದ ರೂಪ ರೇಷೆ ಕಾರ್ಯಾಚರಣೆ ಮುಂದುವರಿಸಿರುವಂತೆ ಶಂಕಿತರ ವಿಚಾರಣೆ ಪ್ರಹಸನ ಮುಂದುವರಿದಿದೆ. ಈ ಬೆಳವಣಿಗೆಗಳ ಮಧ್ಯೆ ಪ್ರೇಮಕಾಮದಾಟದ ಆರೋಪಿಗಳಾದ ಚನಮಾಂವ್‌ ನ ಹುಡುಗರು ದೂರದ ತಮಿಳುನಾಡಿನಲ್ಲಿ ಪೊಲೀಸರಿಗೆ ಸೆರೆ ಸಿಕ್ಕಿರುವ ಗಾಳಿಸುದ್ದಿ ಹರಿದಾಡುತ್ತಿದೆ.

ಶತಾಗತಾಯ ಆರೋಪಿಗಳ ಹೆಡೆಮುರಿ ಕಟ್ಟಿ ಸೆಕ್ಸ್‌ ಜಾಲ ಬೇಧಿಸುವ ಪಣ ತೊಟ್ಟಿರುವ ಪೊಲೀಸರಿಗೆ ಗುಡ್ಡ ಅಗೆದು ಇಲಿ ಹಿಡಿದ ಫಲಿತಾಂಶವೋ? ನಿಜಕ್ಕೂ ಸೆಕ್ಸ್‌ ರಾಕೆಟ್‌ ಪತ್ತೆ ಮಾಡಿದ ಶ್ರೇಯಸ್ಸೋ ಈಗಿನ್ನೂ ಸಸ್ಪೆನ್ಸ್!‌

ಈ ನಡುವೆ ಡೆತ್‌ ನೋಟಿನ ಪ್ರಸ್ಥಾಪ ವಕೀಲ ಎಮ್.‌ ಎನ್.‌ ನಾಯ್ಕ ಬದಲು ಸಿದ್ಧಾಪುರದ ಎನ್.‌ಎಂ. ನಾಯ್ಕ ಎನ್ನುವ ಸತ್ಯ ಹೊರಬಿದ್ದಿದೆ ಎನ್ನಲಾಗುತ್ತಿದೆ.

ಸಾಕ್ಷಿನಾಶ- —

ಈ ಪ್ರಕರಣದ ಆರೋಪಿಗಳು ಮತ್ತಷ್ಟು ಜನರನ್ನು ಸೇರಿಸಿಕೊಂಡು ಸಾಕ್ಷಿ ನಾಶಕ್ಕೆ ಪ್ರಯತ್ನಿಸಿರುವ ಸಾಧ್ಯತೆ ಬಗ್ಗೆ ಪೊಲೀಸರ ತನಿಖೆ ಮುಂದುವರಿದಿದೆ.

ಶಿವಮೊಗ್ಗ ಸೊರಬಾ ವ್ಯಾಪ್ತಿಯ ಈ ಪ್ರಕರಣ ತಮ್ಮನ್ನು ಇಷ್ಟು ಕಾಡಲಿಕ್ಕಿಲ್ಲಎಂದು ಯೋಚಿಸಿದ್ದ ಪೊಲೀಸರ ಊಹೆ ಕೈ ಕೊಟ್ಟಿದೆ. ಮೃತ ಸಂತೋಷ್‌ ಸಿದ್ಧಾಪುರ ವ್ಯಾಪ್ತಿಯಲ್ಲಿ ಆತ್ಮಹತ್ಯೆಗೆ ಶರನಾಗಿರುವುದು ನಂತರ ಕಾಂಗ್ರೆಸ್‌ ಮತ್ತು ಬಿ.ಜೆ.ಪಿ. ನಾಯಕರ ವೈಯಕ್ತಿಕ ಪ್ರತಿಷ್ಠೆಗಳು ಇದರ ನಡುವೆ ಕೆಲವು ಪೆದ್ದುಗುಂಡಾ ಮುಖಂಡರ ಐಲಾಟಗಳು ಇವೆಲ್ಲಾ ಸೇರಿ ಈ ಪ್ರಕರಣದ ಬಿಸಿ ರಾಜ್ಯಕ್ಕೇ ಗೊತ್ತಾಗುವಂತಾಗಿದೆ. ಈ ಪ್ರಕರಣ ಬೇಧಿಸಿ ಆರೋಪಿಗಳಿಗೆ ಶಿಕ್ಷೆಯಾದರೂ ನಿಜ ಖಳ ನಾಯಕರು ಹೊರಗೆ ಉಳಿಯುತ್ತಾರೆ ಎನ್ನುವ ಅನುಮಾನಕ್ಕೆ ಉತ್ತರ ಸಿಗುವುದು ದೌಟು!

ಅಂದಹಾಗೆ………. ಈ ಪ್ರಕರಣದ ಚನಮಾವ್‌ ಆರೋಪಿಗಳಿಗೆ ನೆರವು ನೀಡಿದ್ದರೆನ್ನುವ ಶಂಕೆಯ ಮೇಲೆ ಚನಮಾಂವ ನ ಇಬ್ಬರು ಯುವಕರನ್ನು ಬಂಧಿಸಿ ವಿಚಾರಣೆ ನಡೆಸಿದ ಪೊಲೀಸರು ಪರಾರಿಯಾಗಿದ್ದ ನೈಜ ಆರೋಪಿಗಳು ಸೆರೆಯಾಗುತ್ತಲೇ ಈ ಇಬ್ಬರು ಯುವಕರು ಮತ್ತು ರಾಜಕಾರಣಿ ದಂಪತಿಗಳನ್ನು ಮನೆಗೆ ಕಳುಸಿರುವ ಮಾಹಿತಿ ಸಿಕ್ಕಿದೆ.